О́leń ólkesine ózindik ózgeshe órnekpen, eldi eleń etkize kelgen aqyn 1934 jyly Qytaı halyq respýblıkasynda týǵan. 1955 jyly Shyńjań ınstıtýtynyń til-ádebıet fakýltetin tamamdady. Eńbek jolyn «Shyńjań oqý-aǵartý» jýrnalynan bastap 1957 jyly Qytaıda júrgizilgen «stıl durystaý» qozǵalysynda «ońshyl», «ultshyl» atanyp, 1979 jylǵa deıin 20 jyldaı abaqtyda, eńbek maıdanynda boldy. 1984 jyldan bastap «Tarbaǵataı» jýrnalynyń bas redaktory qyzmetin atqarǵan ol 1994 jyly ata mekeni – Qazaqstanǵa qonys aýdardy.
Aqyn ol jaqta, «О́mir oılary», «Jyldar arasynda», «Erikti sóz» jyr jınaqtary, «Zardap», «Joq» atty prozalyq kitaby, sonymen qosa «Jalǵyz tiken», «Sulýsarynyń shońǵaly» , «Tabıǵat» syndy pesalary jaryq kórdi.
Qazaqstanǵa kelgen soń respýblıkalyq «Baldyrǵan» jýrnalynda on jyldaı bólim redaktory bolyp, sol jyldar ishinde, «Respýblıkanyń bilim júıesindegi shyǵarmashylyq eńbegi jáne jetkinshek urpaqty oqytý men tárbıeleýdegi tabystary úshin» qurmet gramotasymen marapattalady. Serik ata jurt Qazaqstanǵa kelip te, ádebı jasampazdyq turǵysynan qyrýar eńbek sińirdi.
«Tas», «Jylqy ishinde ala júr», «Kúnshyǵys» óleń, dastandar jınaǵymen qatar «Joq» romanynyń támámdalǵan nusqasyn, «Bala», «Jer basyp júrgender», «Júrek tustan...», «Salmaq túskende...» qatarly prozalyq kitaptary shyqty. Al, arǵy bet, bergi bette Seriktiń shyǵarmashylyǵy týraly jazylǵan maqalalar kóptep jaryq kórdi. Onyń esimi Qytaıdyń «áıgili adamdar» jınaǵyna engen.
Iá, ómirdiń nebir qıyn qystaý, qystalańyn kórse de jasymaǵan, eńkeımegen, ıilmegen asyl adam ańsaǵan ata jurty Qazaqstannyń altyn qazyǵy – Astanada máńgilik tynym tapty. Jany Jánnatta bolǵaı! Marqumnyń otbasy, bala-shaǵasy, etjaqyndarynyń qaıǵysyna ortaqtasyp, kóńil aıtamyz.
