Ádebıet • 22 Qazan, 2019

«Aqqý aqyn» Atyraýǵa keldi

42 retkórsetildi

Asylynda, aqyn ataýly qus tekti. Shabyt qanatynda sharyqtaıdy, shyrqaý bıikke shyǵady, ǵalamdy qııalymen kezedi. Sondyqtan da bolsa kerek, qazaq halqy talantty qyzdaryn qurmettep, Farıza Ońǵarsynovany – sandýǵashqa, Aqushtap Baqtygereevany – shaǵalaǵa teńese, Marfýǵa Aıtqojınany «aqqý aqyn» dep ardaqtady. «Aqqýly meken, gákkýli meken» Jaıyqqa buryn-sońdy joly túspegen Marfýǵa Aıtqojına Atyraýda ótken shyǵarmashylyq keshinde aǵynan aqtaryldy. Bolmysy da qus padıshasy sekildi bekzada aqyn sahna tórinde shabyttana jyr oqydy.

– Atyraý – aqyndar men batyrlar eli. Talaı dúldúl ótken osy qasıetti topyraqqa kelý maǵan arman boldy. Búgin sol arma­nymnyń oryndalǵan kúni, – dedi Memlekettik syılyqtyń ıegeri, Qazaqstannyń eńbek sińir­gen qaıratkeri Marfýǵa Aıtqojına.

«Aq Edil, asaý Edil, aryndaǵan,

Qulshynyp taǵdyr kúshke

jalynbaǵan.

Kemeldengen kezeńde kelip turmyn,

Jyrǵa orap júregimdi

jalyndaǵan»,

– dep Edildi óleńge qosqan aqyndy Jaıyq jurty da zor qurmet-qo­she­metpen qarsy alady.

– О́ńirimizde Elbasynyń «Bola­shaqqa baǵdar: rýhanı jańǵyrý» baǵdarlamalyq maqalasy aıasynda aqyn-jazýshylardyń keshteri jıi ótedi, – dedi sharaǵa qatysqan oblys ákimi Nurlan Noǵaev. – Bul kesh te sol úrdistiń jalǵasyn tap­qany­nyń kórinisi. Marfýǵa apaıdyń ár óle­ńinde salmaqtylyq, parasat pen te­reń maǵyna bar. О́ske­leń urpaqty otan­­­­­súıgishtik rýhta tárbıeleýde aqyn shy­ǵar­mashylyǵynyń mańyzy zor.

«Aqqý aqyn» óleń jazyp qana qoı­maıdy, sol óleńderge áýe­zdi ún qosyp, ánge aınaldy­rady. Qazaqstannyń eń­bek sińirgen qaıratkerleri Mah­mut Toıkenov pen Gúlzat Táýir­bae­­va­lar­dyń Dına Nur­peıisova atyn­­daǵy akademııalyq qazaq halyq as­pap­tar orkestriniń súıemeldeýimen oryndaǵan ánderin atyraýlyqtar rızashylyqpen qabyldady.

– Qazaqqa Marfýǵa Aıtqo­jı­na­ny tanystyryp jatýdyń ózi artyq. Resmı ataq-dańqyn aıtpa­ǵanda, el-jur­tynyń bergen «Jyr aqqýy» degen baǵasy bárinen bıik. Sol bıi­gińizden alasarmańyz, – dedi Qazaq­stan Jazýshylar odaǵynyń hat­shysy Ǵanı Qalıbek.

«Sybyrlap jatyr Jaıyqtyń kúmis tolqyndary, jaǵańa keldim, janymdy syrǵa toltyrǵaly», dep ózine ǵana tán únimen sahnanyń sánin keltirgen Marfýǵa aqyn Aıt­qo­jı­na Atyraý keshin kórkem óleńniń ke­rimsal samalymen terbep ketti.

 

ATYRAÝ

 

Sońǵy jańalyqtar

Jańa úlgidegi kólikter

Qoǵam • Keshe

Oqyrmanmen oı bólisti

Rýhanııat • Keshe

Qııanatqa qarsy turǵan gazet

Rýhanııat • Keshe

Jemqorlyq jerge qaratady

Qoǵam • Keshe

«Bir synaǵan jamandy...»

Aımaqtar • Keshe

Erli-zaıyptylardyń erligi

Aımaqtar • Keshe

El ıgiligin eselegen jan

Rýhanııat • Keshe

Teńgeniń tegeýrini

Qarjy • Keshe

Senim kapıtaly

Ekonomıka • Keshe

Shymkenttiń úlgili otbasylary anyqtaldy

Aımaqtar • 14 Qarasha, 2019

Almatyda páter balldyq júıemen beriledi

Aımaqtar • 14 Qarasha, 2019

Uqsas jańalyqtar