Ádebıet • Keshe

«Shabyt» nege shalqymaı tur?

107 retkórsetildi

Qarashanyń alaqanat alǵashqy qary aqyn janynyń appaq álemindeı ja­pa­laq­­taı jaýdy. Bir sátke ushqyndaı baryp qara jerdi qapsyra qushqan mamyq ulpa maqpal sezimderdi selt etkiz­gendeı sándi kórinedi. Alaıda, alaburtqan kóńil terezesinen samarqaý kóshe­lerge uzaq qarap turyp áldebireýdi qatty sa­ǵynǵandaı bolasyń. Ishki ańsa­ryń­dy oıatqan beıýaq sezimge birdeńe degiń keledi. Biraq ony kim túsingendeı...

Endi birde, aq qarǵa túsip jatqan san alýan izderden áldekimniń jolyn tanyǵandaı elegizesiń. Alaıda, tań qarańǵysynan túsken san taraý soqpaqtyń eshqaısysyn sen kútken adamnyń salmaǵanyn bilesiń...

Iá, poezııa patshaıymy, aqyn Farıza Ońǵarsynova apanyń bul fánıde joǵyn qarashanyń qara sýyǵy osylaı taǵy bir eske saldy... Áıtpese, qarly qarashanyń alǵashqy saparynda-aq jas aqyn-jazýshylardy asqaq shaıyr óleń báıgesine ózi qosyp, qalt-qult etken qadamdaryna sáttilik tilep «Shabyt» festıvaline shattana shaqyrar edi-aý!.. Bıyl bári basqasha.

Qarashanyń dál osy kúnderi jyl saıyn elorda tórinde halyqaralyq «Shabyt» shyǵarmashyl jastar festıvali dúrkirep ótip jatatyn. Sózimizge qarap, jıyrma eki jyl boıy úzdiksiz júrip kele jatqan aıtýly alaman bıyl toqtap qalypty dep oılap qalýyńyz múmkin. Qoryqpańyz, atalǵan fes­tıval bıyl da shymyldyǵyn aıqara ashyp, áldeqashan bastalyp ketken...

Tek, qalam men qaǵazdy janyna serik etken aqyn-jazýshylar men jýrnalıster qaýymy ǵana bul báıgeden qur maqurym. Dúrkirep ótip jatatyn degenimiz de sol, kúrkirep aqyndar óleń oqyp jatpaǵan festıvaldiń tym-tyrys kúıin aıtqymyz kelgen shyǵar...

«Shabyt» shyǵarmashyl jastar fes­tı­va­li­niń sahnasynan jas aqyn-jazýshylardy byltyr da baıqaı almaǵan bolatynbyz. Já, ótken jyly jýrnalıstıka salasynyń júırikterine kezek usynyldy delik. Alaıda, bıyl Elbasy jarııalaǵandaı, Jastar jylynda shyǵarmashyl jastardyń jalǵyz festıvali – «Shabyttan» poezııa, proza, jýrnalıstıka janrlarynyń alynyp tastalýyn eshqandaı aqylǵa syıǵyza almas edik. Joq, álde jas qalamgerlerdiń jastar jylyna eshqandaı qatysy joq degimiz keldi me? Abaı atamyz aıtqandaı, uıymdastyrýshylar aqyn-jazýshylardy «jasqa jas oıǵa kári» dep Jastar jylynan jylystatqany ma? Biz túsinbedik.

Osyndaıda, aǵa býynnyń jańa býynǵa jol ashatyn úlken dástúri úzilip qalǵandaı seziledi. Ádeıi úzip tastaǵandaı áser etedi. Áıtpese, Farıza Ońǵarsynovanyń kózi tirisinde bundaı belden basýshylyqqa jol berilmes edi.

Jalpy, talaǵynda bıti bar talant­ty jastarǵa úlken sahnaǵa, úlken shyǵar­ma­shy­lyq órleýge jol ashatyn biregeı alań retinde bul «Shabyttyń» bizge bereri kóp. Burynǵy «Jiger» festıvaliniń jalǵasy retinde aldyńǵy tolqyn aǵa býyn aqyn-jazýshylar «Shabyt» jaıly árqashan oń pikirde bolyp keldi. Alaıda, byltyrdan beri sol ıgi dástúrdiń joly jabylyp qalǵanyna kim-kim de bolsyn ókpeli.

Joǵaryda Farıza apa esimin nelikten zor qurmetpen eske aldyq. Qaı kezeńde bolmasyn qoǵamnyń buljymas barometri bola biletin, ulttyń bolmysy men halyqtyń tiline, sana-sezim men dástúr-ǵurypqa birden-bir tirek, tegeýrin aqyn-jazýshy múd­de­sin Farızanyń dańqy eshkimniń aldynda taptatpas edi. Aqyndy qoǵamnan alastaý – aqyl men júrekti qoraǵa qamaýmen birdeı yńǵaısyzdyq týǵyzady. Áli kúnge deıin Germanııany Gıtlerdiń eli emes, Geteniń eli deıdi, Reseıdi Pýtınniń eli emes, Pýshkınniń eli deıdi. Aqyn sonysymen de ulttyń tólqujaty sanalady.

Bul rette «Shabytty» shektemeı, qaıta, «Shabytty» ári qaraı qalaı sharyqtatýdy oılasqanymyz durys der edik. Ashy ázilge súıep aıtsaq, bıyl jas aqyndar men jazýshylar «Shabytsyz». Shabytsyz aqyn – shabysy báseń báıgemen birdeı.

Aıta bersek sóz kóp. «Jýrnalıstıka» atalymy «Shabyt» festıvaliniń baǵdar­la­ma­synda byltyr araǵa biraz jyl salyp zorǵa qosylǵan bolatyn. «Arqalaǵandary altyn, jegenderi jantaq» jýrnalıster qaýymy «Shabyttyń» shapaǵatynan endi taǵy biraz jyl kúder úze turatyndaı.

Árıne, «Shabyttyń» sharbaǵyna tas laqtyrǵymyz kelmeıdi, qaıta aqynnyń arýaǵyna syı-qurmet retinde bıyl atalǵan festıvaldiń poezııa atalymyn seksen jyldyǵy ótip jatqan Farıza Ońǵarsynova esimimen baılanystyryp ótkizgende qandaı jarasymdy bolar edi-aý... Amal neshik?!

Iá, biz «Shabyttyń» shabysy báseńdep bara jatqanyn jasyra almaımyz.

Sońǵy jańalyqtar

Kásipqoı boks: WBC reıtıngi jarııalandy

Kásipqoı boks • Búgin, 12:18

Kúlki kerýeni № 14

Rýhanııat • Búgin, 11:47

Jańaózende «Ashyq esik kúni» ótti

Aımaqtar • Búgin, 11:37

176 keli qyzylbalyqpen ustaldy

Aımaqtar • Búgin, 09:50

О́ńiraralyq forýmda tanystyryldy

Ekonomıka • Búgin, 08:23

6 myń shaqyrym jol aqyly bolady

Ekonomıka • Búgin, 08:21

Arnaıy ekonomıkalyq aımaq

Ekonomıka • Búgin, 08:13

Úzdik nátıje – 12-oryn

Sport • Búgin, 08:04

Qaharmanǵa qurmet

Rýhanııat • Búgin, 08:02

Balýandardyń Syrdaǵy básekesi

Aımaqtar • Búgin, 08:01

Maqsaty bıik «Mámile»

Aımaqtar • Búgin, 07:59

Kelisimshart qural bolmasa...

Qoǵam • Búgin, 07:56

Nur-Sultanda «adaldyq saǵaty» ótti

Qoǵam • Búgin, 07:52

Internet qoldanýshylar eskeretin jaıt

Tehnologııa • Búgin, 07:50

JITS-ke qarsy is-sharalar ótedi

Medısına • Búgin, 07:43

Talanttar tálimgeri

Rýhanııat • Búgin, 07:41

Aqyn jáne onyń mýzasy

Rýhanııat • Búgin, 07:40

Kúı qudireti arab álemin moıyndatty

Aımaqtar • Búgin, 07:38

Aýadan qarmaǵan aıyppul

Aımaqtar • Búgin, 07:34

Sholohovqa aq bota syılaǵan

Aımaqtar • Búgin, 07:30

Úrkimbaev úılesimi

Aımaqtar • Búgin, 07:27

Joshyǵa aparar jol

Qoǵam • Búgin, 07:23

Túrlenip, túlegen Túrkistan

Aımaqtar • Búgin, 07:21

Kásibı kadrlar jumys isteýi tıis

Ekonomıka • Búgin, 07:12

Basshylyq quram attestattaldy

Qoǵam • Búgin, 07:08

Ońaltý ortalyqtary salynady

Aımaqtar • Búgin, 07:03

Baýyrlastyq baılanystar bekı túsedi

Saıasat • Búgin, 07:00

Baǵdarlamalarǵa belsendi qatysady

Saıasat • Búgin, 06:52

Telefon arqyly sóılesti

Prezıdent • Búgin, 06:50

Elorda nege jaryqsyz qaldy?

Qoǵam • Búgin, 06:42

Jahandyq únqatysý is-sharalaryn talqylady

Prezıdent • Búgin, 06:33

Uqsas jańalyqtar