Mańǵystaýda jastar basqosýy ótti

Aımaqtar • 11 Qarasha, 2019

Mańǵystaýda jastar basqosýy ótti

Respýblıkalyq «Jańǵyrý joly» jastar qozǵalysy tóraǵasynyń orynbasary Tımýr Djýmýrbaev Mańǵystaý oblysynyń jastarymen kezdesti. Bul týraly Qazaqstan halqy Assambleıasy Mańǵystaý oblysy hatshylyǵy baspasóz qyzmetinen habarlady.

Gúlaıym ShYNTEMIRQYZY

Kezdesýdiń negizgi maqsaty - Elbasynyń «Bolashaqqa baǵdar: rýhanı jańǵyrý» atty maqalasyn talqylaý jáne túsindirý, negizgi 5 baǵyty jóninde prezentasııa kórsetý.

Mańǵystaýǵa issapary barysynda T.Djýmýrbaev eń aldymen Aqshuqyr eldi mekenindegi «QazaqOsetr» JShS-niń bekire shıkizat fırmasyna bardy. Bekire balyǵymen aınalysatyn bul shıkizat fırmasy Elbasy N.Á. Nazarbaevtyń «Bıznes kartasy – 2020» baǵdarlamasynyń aıasynda qurylǵan bolatyn.

-Kıeli meken Mańǵystaýǵa kelgenime óte qýanyshtymyn. Mańǵystaýǵa issaparym barysynda eń aldymen osy bekire ósirýmen aınalysatyn kásiporynǵa kelip, tanysyp jatyrmyn. О́te keremet. Qazirgi ýaqytta bul zaýytta 38 basseın, onyń árqaısysynda ártúrli, atap aıtatyn bolsaq, orys bekiresi, sibir bekiresi jáne t.b. bekire tuqymdas suryptar ósirilýde eken. 2019 jyly Jastar jyly dep belgilengeni bárimizge belgili jáne Elbasynyń «Bıznes kartasy – 2020» baǵdarlamasy aıasynda qurylǵan bul joba kásipkerlikpen aınalysýǵa nıet bildirýshi jastarǵa jańa serpin beredi. Sózimniń sońynda, shıkizat fırmasynyń qyzmetine sáttilik, tabys tileı otyryp, aldaǵy ýaqytta budan da bıik belesterden kórinýine shyn júrekten tilektespin, dedi Tımýr Djýmýrbaev.

Sonymen qatar Tımýr Djýmýrbaev Dostyq úıinde Mańǵystaý jastarymen kezdesti. Onyń ishinde RJQ «Jańǵyrý joly» óńirlik shtabynyń belsendi músheleri de bar. Kezdesýge Ulttyq delfıı oınydary komıtetiniń atqarýshy dırektory Týspekova Quralaı Aıtqabylovna, «Jańǵyrý joly» óńirlik shtabynyń belsendi músheleri Molotova Shahnoza, Zıganshına Rıgına jáne Memlekettiń jastarǵa bergen múmkindigin tıimdi paıdalanyp júrgen jas jeke kásipker Jarıev Qobylan Maratuly, Qazaqstan Jýrnalıster Odaǵynyń múshesi Kenjebek Serjanuly qatysty.

Kezdesý barysynda jastarǵa Elbasynyń «Bolashaqqa baǵdar: rýhanı jańǵyrý» atty maqalasy túsindirilip talqylandy.

Kezdesý barysynda 9 jyldyq tájirıbesi bar jas kardıohırýrg, kásibin jańa bastaǵan jas kásipker Qobylan Jarıev Elbasynyń jastarǵa bergen múmkindikteri arqasynda kásibin qalaı ashqanyn, qalaı jetistikke jetkenin, qazirgi tańda kásibi alǵa basyp, oń nátıje kórip otyrǵandyǵyn aıtyp, kásip ashqysy keletin jastarǵa jańa múmkindik, jańa serpin, kúsh berdi.

Respýblıkalyq «Jańǵyrý joly» jastar qozǵalysy tóraǵasynyń orynbasary Tımýr Djýmýrbaev «Jańǵyrý joly» RJQ óńirlik shtabynyń belsendi múshesi Ogaı Antonınaǵa Qazaqstan halqy Assambleıasynyń tóraǵasynyń orynbasary, QR Prezıdenti ákimshiliginiń QHA hatshylyǵynyń meńgerýshisi Janseıit Qanseıituly Túımebaevtyń Alǵys hatyn tabystady.

Kezdesý sońynda oblystyq jastar resýrstyq ortalyǵy dırektorynyń orynbasary Muqash Bekenuly: «Árbir qazaq jastary ózderin ultjandymyn dep uǵynyp, elimizdiń beıbitshilik aspanynda qazaq jastary táýelsiz eldiń aıqyn maqsattarymen jigerlenip, tek qana alǵa umtylýǵa jumys jasaımyz. El senimin, úmitin aqtaý, elimizdiń jarqyn bolashaǵyna úles qosý árbir sanaly da bilimdi jastarymyzdyń qolynda», - dedi.

Kezdesýge barlyǵy 300-ge jýyq jastar qatysty.