-Memlekettiń eńbek qatynastaryn jetildirý máseleleriniń negizgi áriptesteriniń biri – kásipodaqtar. Kásipodaq – qoǵam damýynyń ajyramas bóligi. Jumyskerlerdiń ónimdi eńbek etýine jaǵdaı týǵyzý birinshi kezekke qoıylatyn, sol qoǵamda kásipodaqtardyń atqarar sharýalary ushan-teńiz.
Qurylǵanyna bıyl 1 jyl tolǵan «Senim» densaýlyq saqtaý júıesi jumyskerleriniń salalyq kásiptik odaǵy» RQB Mańǵystaý oblystyq fılıaly quramyna oblys boıynsha 8139 adamnan turatyn 24 bastaýysh kásipodaq uıymyn biriktiredi. Jumys barysynda aýmaqtyq fılıal «Kásipodaqtar týraly» Zańǵa jáne óziniń bekitilgen «Jarǵysyna» súıenip jumys atqaryp keledi. Iаǵnı, bul eńbek zańdylyqtaryn saqtaý, eńbek qaýipsizdigi, basqa da eńbek jaǵdaılaryna baılanysty ózekti máselelerdi udaıy nazarda ustaý, ómir deńgeıi, otbasy bıýdjeti, kadrlardy kásiptik daıyndaý jáne bilimin jetildirý jáne basqa suraqtar boıynsha zertteý jumystaryn uıymdastyrady jáne memleket saıasatynyń áleýmettik baǵytta bolýyna atsalysý, kásipodaq múshelerine dárigerlik jáne zeınetaqylyq, qamsyzdandyrý, sanatorlyq-kýrorttyq emdeý, demalys uıymdastyrýǵa jáne basqa mamandyǵyn arttyrý men basqada kómek kórsetý bolyp tabylady.
Aýmaqtyq kásipodaq fılıaly jastarmen jumysqa erekshe kóńil bólýde. Bul rette jas mamandardy yntalandyrý, olardy aǵa býynnyń úlgisinde qalyptastyrý basty nazarda ustalady. Kásipodaq quramynyń 40%-in 35 jasqa deıingi jastar quraıdy. Elbasy Nursultan Ábishuly Nazarbaevtyń 5 naýryz 2018 jylǵy «Prezıdenttiń bes áleýmettik bastamasy» atty halyqqa úndeýiniń «Árbir otbasyna baspana alýdyń jańa múmkindikterin berý» atty birinshi bastamasynda usynǵan «7-20-25» baǵdarlamasyn iske asyrý jáne densaýlyq salasynyń jas mamandaryn qoldaý maqsatynda, «Senim» kásipodaǵynyń atynan Respýblıka boıynsha turǵyn úı satyp alýǵa 25 turǵyn úı sertıfıkattary tabys etildi. Sonyń ishide óńirimizdiń 3 dárigeri men medbıkesine 5 800 000 teńgege jýyq kólemde sertıfıkattar tabystaldy. Munymen toqtamaı, «QR kásipodaqtar kúni» qarsanyńda «SENIM» Densaýlyq saqtaý júıesi qyzmetkerleriniń salalyq kásiptik odaǵy RQB bastamasymen fılıal 6 qyzmetkerge 250 000 teńgeden aqshalaı sertıfıkattar tabys etti.
«Azamattyq qoǵamnyń tiregi bolǵandyqtan, memlekettik saıasatty odan ári damytý barysynda, Elbasymyzdyń ustanǵan sarabdal saıasatymen óz tarapymyzdan alǵa qoıǵan maqsattarymyzdy júzege asyrý úrdisin jalǵastyrýdamyz, dedi fılıal tóraıymy Nurpeısova Dına Bahytjanqyzy.
