Aımaqtar • 19 Qarasha, 2019

Mańǵystaý hırýrgııasynyń negizin qalaýshy dáriger 80-ge toldy

80 retkórsetildi

Mańǵystaýdaǵy hırýrgııanyń negizin qalaýshylardyń biri, tanymal dáriger hırýrg Ahmetjan Qusaıynov 80 jasqa toldy. Dostary men áriptesteri «Dáriger Aıbolıt» atap ketken Ahmetjan Qusaıynov Mańǵystaý óńiri men respýblıkanyń densaýlyq saqtaý salasyna qosqan úlesi orasan. О́z tájirıbesinde ol dıagnostıkanyń zamanaýı ádisterin qoldana bildi, dep habarlady Mańǵystaý oblystyq densaýlyq saqtaý basqarmasynan.

Ahmetjan Qusaıynov moıyndalǵan hırýrg, joǵary tájirıbeli maman, eń kúrdeli otalar jasaǵan. Medısına salasynda júrgen ol myńdaǵan adamnyń ómirin aman alyp qaldy. О́ziniń tańdaǵan mamandyǵyna berik boldy jáne sońynan ergen izbasarlaryna ustaz bola bildi. Mańǵystaý óńirinde Ahmetjan aǵanyń bilmeıtinder kemde-kem. Elimizdiń halqyna emdeý-profılaktıkalyq jumystaryn joǵary deńgeıde uıymdastyra bilgen onyń orasan eńbegi sonaý Keńes dáýiri tusynda eskerilip, Keńes Odaǵy Densaýlyq saqtaý mınıstrliginiń «Densaýlyq saqtaý salasynyń úzdigi» atty tósbelgisimin de marapattalǵan.

Ahmetjan Qusaıynov 1939 jyly 12 qarashada qazirgi Atyraý oblysy Mahambet aýdanyna qarasty Baqsaý aýylynda dúnıege kelgen. Ákesi malshy bolǵan. Al anasy 11 qursaq kóterip, «Batyr ana» ataǵyna ıe boldy. Orta oqý ornyn támamdaǵan soń Almatydaǵy memlekettik medısınalyq ınstıtýtyn bitirgen. Eńbek jolyn 1965 jyly Atyraý óńirinen bastaǵan. Al 1973 jyldan bastap onyń ómiri Mańǵystaýmen tikeleı baılanysty. Birqatar basshylyq qyzmetterde de abyroıly eńbek etti. Eńbek ardageri zeınetke shyqqannan keıin de qarap qalmady, onyń bilimi men tájirıbesi qajet bolǵan soń birqatar jekemenshik klınıkalar kelisimshart negizinde jumysqa shaqyrdy. Osylaısha ol 75 jasqa deıin óziniń súıikti isimen aınalysty. Onyń qajyrly eńbegi san márte eskerilip, birqatar estelik jáne tósbelgilermen marapattalǵan. Atap aıtqanda «Qazaqstan munaıyna 120 jyl», «Uzaq jyldar adal eńbegi úshin», «Shynaıy meıirimdiligin jáne adamdarǵa jasaǵan qamqorlyǵy», «Eńbek ardageri» jáne t.b.

-О́z basym medısına salasyn tańdaǵanyma esh ókinbeımin, ásirese hırýrgııany. Artta umytylmas jarqyn sátter men qyzyqty kúnder qaldy. Jumysqa berilgenim sonshalyq, tipti kúndiz-túni úı kórmeı júrgen kezderim kóp boldy. Demalystyń ne ekenin umytqan kezder az bolmady. Eń bastysy únemi aldymyzǵa maqsat qoıatynbyz: Qalaı bolǵanda da adam ómirin aman alyp qalý úshin barymyzdy salý,- deıdi ol.

Ardager óziniń shákirtteri týraly da aıtyp ótti. Olardyń qatarynda Esturǵan Muqantaev, Eljas Husaıynov, Súleımen Berdáýletov, Borıs Chagaı, Saıyn Shantımırov, Talǵat Muqantaev jáne basqalar. Ásirese «Neıron» klınıkasynda zeınetke shyqqannan keıin 10 jyl jumys jasaǵan kúnderin saǵynyshpen eske alady.

Ahmetjan Qusaıynovtyń jubaıy Balhııa Ahmetqyzy farmasevtıka fakýltetiniń túlegi, provızor mamandyǵyn úzdik bitirgen. Olar 3 ul 1 qyz ósirgen. Alaıda balalary áke nemese ana jolyn qýyp medısına salasyn tańdamaǵan. Árkim ózine unaǵan mamandyq ıesi atanypty. Ahmetjan Qusaıynuly bolsa, balalarynyń medısınany tańdamaǵanyna ókinbeıdi, kerisinshe ár adam ózine unaǵan salany tańdaǵany durys dep sanaıdy. Ardager dáriger bos ýaqytynda súıikti otbasynyń janynda, ásirese nemerelerimen Kaspıı jaǵalaýynda serýendegendi unatady.

Sońǵy jańalyqtar

Ýrbanıstik ortalyqqa aınalýdyń bir tutqasy

Aımaqtar • 07 Jeltoqsan, 2019

Qaraǵandyda Antikor Ortalygy mekemesi ashyldy

Aımaqtar • 07 Jeltoqsan, 2019

Qazalyda retro-festıval ótti

Aımaqtar • 07 Jeltoqsan, 2019

Almatylyq dızaınerdiń Stokgolmde kórmesi ashyldy

Rýhanııat • 07 Jeltoqsan, 2019

Almatyda jas órenderdiń jarysy aıaqtaldy

Sport • 07 Jeltoqsan, 2019

Qarqaraly aýdanyna jańa ákim taǵaıyndaldy

Taǵaıyndaý • 07 Jeltoqsan, 2019

«El birligi – 2019» marapattaý saltanaty ótti

Rýhanııat • 07 Jeltoqsan, 2019

Asyq oıyny balalardy ómirlik tájirıbege baýlıdy

Rýhanııat • 07 Jeltoqsan, 2019

Kúlki kerýeni № 20

Rýhanııat • 06 Jeltoqsan, 2019

Uqsas jańalyqtar