Aımaqtar • 19 Qarasha, 2019

Mańǵystaýda «Jomart júrek» syılyǵy tabystaldy

23 retkórsetildi

Aqtaýda Dostyq úıinde Elbasynyń «Bolashaqqa baǵdar: Rýhanı jańǵyrý» maqalasy, «Týǵan jer» baǵdarlamasy aıasynda Mańǵystaý oblysy boıynsha «Jomart júrek» syılyǵynyń laýreattaryn saltanatty quttyqtaý rásimi ótti. Bul týraly Mańǵystaý oblysy boıynsha Assambleıa hatshylyǵy baspasóz qyzmeti habarlady.

Sharanyń maqsaty – halyqty, bıznes-qurylym ókilderin, mesenattardy, úkimettik emes uıymdar men volonterlerdi yntalandyrý, azamattardyń belsendiliginiń úzdik tájirıbesin taratý, qaıyrymdylyq qyzmet, mesenattyq pen meıirbandyq ıdeıalaryn tanymal etý.

Sharaǵa oblys ákiminiń orynbasary Q.Jumashev, memlekettik mekeme basshylary, aýdan, qala ákimderi, oblystyq iri kompanııa ókilderi, etnomádenı birlestikterdiń tóraǵalary men músheleri, oblystyq máslıhat depýtattary, sondaı-aq etken eńbegi men tókken teriniń arqasynda qarapaıym halyq arasynan daralanyp, kindik qany tamǵan aýyly men óz óńiriniń órkendeýine úles qosyp júrgen mesenattar qatysty.

Is-shara barysynda Mańǵystaýdyń damýyna úles qosqany úshin 15 úzdik mesenat marapattaldy.

Týǵan jerinde iri áleýmettik jobalardy iske asyrǵany úshin, az qamtylǵan, kóp balaly januıalarǵa, ata-ananyń qaraýynsyz qalǵan jetim balalarǵa, múgedekterge, UOS ardagerlerine, zeınetkerlerge qaıtarymsyz kómek kórsetkeni úshin «Jyl mesenaty» nomınasııasymen B.Boranbaev jáne A.Meńdibaev  marapattaldy.

Eldi mekenderdi abattandyrýǵa, demalys baqtardy, alleıalardy, eskertkishterdi, balalar oıyn alańdaryn rekonstrýksııalaýǵa jáne salýǵa, densaýlyq saqtaý, mádenıet, bilim berý jáne sport salalaryna demeýshilik kómek kórsetýge baǵyttalǵan áleýmettik jobalardy iske asyrǵany úshin «Týǵan ólke» nomınasııasy N.Edılov, R.Borashov jáne T.Musaevqa tabystaldy.

Belsendi azamattyq ustanymy, ártúrli baǵyttaǵy keń aýqymdy qaıyrymdylyq qyzmetti júzege asyrǵany úshin «Jyl tulǵasy» nomınasııasyn A.Qosýaqov, Q.Naýryzmaǵambetov jáne T.Esengeldına  ıelendi.

Áleýmettik mańyzy bar jobalardy, qaıyrymdylyq jobalardy jáne aksııalardy tıimdi júzege asyrǵany úshin, qaıyrymdylyq kómek berýdiń jańa tıimdi túrlerin engizgeni jáne qoǵamdyq mańyzy bar sharalarǵa bas demeýshilik jasaǵany úshin «Jyldyń úzdik uıymy» nomınasııasymen «NORT KASPIAN OPEREITING KOMPANI» («NCOC») kompanııasy, «Qarajanbasmunaı» aksıonerlik qoǵamy jáne «Oǵylandy-Beket ata» qoǵamdyq qory marapattaldy.

Volonterlik qyzmetterge belsendi qatysqany úshin «Eren eriktiligi» nomınasııasymen «Biz adamdar - Biz birgemiz» qoǵamdyq qory, «Aıtyman» qoǵamdyq qory jáne O.Seıdov  marapattaldy.

«Jomart júrek» syılyǵynyń laýreattaryn saltanatty quttyqtaý rásimi óńir ónerpazdary usynǵan merekelik konsertpen jalǵasty.

Sońǵy jańalyqtar

Qazaq kúresi jańa kezeńge aıaq basty

Ulttyq sport • Búgin, 19:28

Basylym basshylary - Júsipbek AIMAÝYTOV (1889-1931)

Basylym basshylary • Búgin, 17:42

Elimizdiń basym bóligin tuman basady

Qazaqstan • Búgin, 17:01

Basylym basshylary - Smaǵul SÁDÝAQASOV (1900-1933)

Basylym basshylary • Búgin, 16:53

Almatyda Abaı klýby ashyldy

Rýhanııat • Búgin, 16:22

Basylym basshylary - Bernııaz KÚLEEV (1899-1923)

Basylym basshylary • Búgin, 14:55

Basylym basshylary - Támımdar SAFIEV (1892-?)

Basylym basshylary • Búgin, 11:28

Elordada Úsh arysqa eskertkish ornatyldy

Rýhanııat • Búgin, 11:14

Almaty álemdik qalalar qataryna qosylady

Aımaqtar • Búgin, 10:57

Atyraýlyqtar taǵy da úzdikter qatarynda

Aımaqtar • 13 Jeltoqsan, 2019

Uqsas jańalyqtar