Aımaqtar • 19 Qarasha, 2019

Qazaqstanda -38 aıazǵa tózimdi dızel otynyn óndirý qolǵa alyndy

14 retkórsetildi

«QazMunaıGaz» UK AQ kompanııalaryna tobyna kiretin Atyraý munaı óńdeý zaýyty eń tómengi súzgiden ótý temperatýrasy – mınýs 38S gradýs aıazǵa tózimdi dızel otynyn shyǵarý men tıeýdi bastady. Bul týraly kompanııanyń jurtshylyqpen baılanys departamenti habarlady.

- «Qazaqstannyń kóptegen aımaqtarynda qys mezgili óte sýyq bolatynyna baılanysty bul otyn túri otandyq tutynýshylar arasynda keńinen suranysqa ıe bolady. Alǵashqy partııasy Atyraý munaı óńdeý zaýytynan 14 qarashada jóneltildi. Búgingi kúni 3088 tonnasy tıeldi. Atyraý MО́Z-i qarasha aıynda barlyǵy 3500 tonnany jóneltýdi josparlap otyr, - dep habarlady «QazMunaıGaz» UK AQ Basqarma tóraǵasynyń munaı óńdeý jáne marketıngi jónindegi orynbasary Danııar Tıesov.

Khazar -38 dızel otyny – zaýyt úshin de, búkil Qazaqstan úshin de biregeı ónim. Ol K5 ekologııalyq sanatqa sáıkes keledi, ıaǵnı quramynda kúkirt pen parafınderi joqtyń qasy jáne tómen temperatýranyń erekshelikterine áser etetin qospalary joq. Bul – tehnologııalyq prosestiń taza ónimi.

Qazaqstanda osyndaı qatý deńgeıi tómen otyn tereń óńdeý kesheniniń Prime D dızel otynyn gıdrotazalaý jáne deparafınızasııalaý qondyrǵysynda ǵana óndiriledi.

Eske sala keteıik, 2018 jyldyń sońynda AMО́Z jańa munaı ónimderiniń birneshe túrin shyǵara bastady: K5 ekologııalyq sanatynan súzýdiń shekti temperatýrasy -25 bolatyn dızel otynyn jáne súzýdiń shekti temperatýrasy -32 bolatyn dızel otynyn (Khazar). Bul aýqymdy jańǵyrtý aıasynda salynǵan munaıdy tereń óńdeý kesheniniń jańa qondyrǵylaryn iske qosýdyń arqasynda múmkin boldy. Osylaısha, búginde AMО́Z qysqy dızel otyndarynyń kelesi túrlerin óndirýge múmkindigi bar: súzýdiń shekti temperatýrasy -15S,-25S, -32S, -38S bolatyn dızel otyndary.

Sońǵy jańalyqtar

Basylym basshylary - Bernııaz KÚLEEV (1899-1923)

Basylym basshylary • Búgin, 14:55

Basylym basshylary - Támımdar SAFIEV (1892-?)

Basylym basshylary • Búgin, 11:28

Elordada Úsh arysqa eskertkish ornatyldy

Rýhanııat • Búgin, 11:14

Almaty álemdik qalalar qataryna qosylady

Aımaqtar • Búgin, 10:57

Atyraýlyqtar taǵy da úzdikter qatarynda

Aımaqtar • 13 Jeltoqsan, 2019

Táýelsizdik – tuǵyrym

Aımaqtar • 13 Jeltoqsan, 2019

Arhıv ǵımaratyna eskertkish taqta ornatyldy

Rýhanııat • 13 Jeltoqsan, 2019

Uqsas jańalyqtar