Rýhanııat • 27 Qarasha, 2019

Mańǵystaýdyń О́zbekstannyń Horezm oblysyndaǵy mádenı kúnderi ótti

36 retkórsetildi

Taıaýda О́zbekstandaǵy Qazaqstan jyly aıasynda О́zbekstan Respýblıkasynyń Horezm oblysynda Mańǵystaý oblysynyń mádenı kúnderi ótti. Bul týraly Mańǵystaý oblystyq fılarmonııasynyń baspasóz qyzmeti habarlady.

Sharanyń maqsaty - ǵasyrlar boıy úzilmeı kele jatqan baılanysty odan ári nyǵaıtý jáne baýyrlas eki el arasyndaǵy dostyq qarym-qatynasty, baýyrlas halyqtarymyzdyń jaqyndastyǵyn odan ári tereńdetý.

Mańǵystaýlyq ónerpazdar aldymen Hıýa qalasyndaǵy Beket ata Myrzaǵululy oqyǵan medreseni, birneshe tarıhı oryndy aralady. Sapar barysy odan ári Murat О́skinbaev atyndaǵy Mańǵystaý oblystyq fılarmonııasy bir top ártisiniń Úrgenish qalasyndaǵy kolledj jáne mektep oqýshylaryna vokal, dombyra-tenor, horeografııa ónerinen master klastar ótkizýimen jalǵasty. Mádenı sharalar aıasynda Á.Kekilbaıuly atyndaǵy Mańǵystaý oblystyq tarıhı-ólketaný mýzeıi «Uly dala muralary» fotokórmesin usyndy. Kórmede Qazaqstannyń tańǵajaıyp tabıǵaty jáne kórneki jerleri beınelengen. Kórme sońy «Biz shyrqaımyz dostyq ánin!» atty Murat О́skinbaev atyndaǵy Mańǵystaý oblystyq fılarmonııasynyń «Aqjarma» folklorlyq ansambli men bı tobynyń konsertine ulasty.

Konsert Túrkeshtiń «Kóńil ashar» kúıimen bastaldy. Odan ári «Aqjarma» folklorlyq ansambliniń súıemeldeýinde Mádenıet salasynyń úzdikteri Asqar, Asanáli Kósherovter, Respýblıkalyq dástúrli ánshiler baıqaýynyń laýreaty Áıgerim Quljarasova, «Jeti qaıqy» Respýblıkalyq dástúrli ánshiler baıqaýynyń bas júldegeri Sabıt Shektibaev, sonymen qatar Marat Safarov jáne Kámshat Iztileýova án shyrqady. «Arna» toby men «Jas qanat – 2013» baıqaýynyń bas júldegeri Aıda Baıgelova jeke oryndaýda óner kórsetti. Halyqtyń ystyq yqylasyna bólengen konsert Eskendir Hasanǵalıevtiń «Atameken» ánimen aıaqtaldy.

 

Mańǵystaý oblysy

                          

 

 

 

 

 

 

 

 

 

Sońǵy jańalyqtar

Táýelsizdik – tuǵyrym

Aımaqtar • Keshe

Jas otbasylar baspanaly boldy

Aımaqtar • Keshe

Kúlki kerýeni № 25

Rýhanııat • Keshe

Uqsas jańalyqtar