Parlament • 24 Jeltoqsan, 2019

Darıǵa Nazarbaeva Úkimetke zań jobalaý jumystarynyń josparyn aldyn ala kelisýdi usyndy

14 retkórsetildi

Qazaqstan Respýblıkasy Prezıdentiniń «Qazaqstan Respýblıkasy Joǵarǵy Sotynyń sýdıalaryn saılaý jáne qyzmetten bosatý týraly» usynysy kún tártibindegi birinshi másele boldy. Konstıtýsııalyq zańnama, sot júıesi jáne quqyq qorǵaý organdary komıtetine usynylǵan kandıdattardy talqylaý jáne qorytyndylar daıyndaý tapsyryldy. Senatorlar bul sheshimge qoldaý bildirdi. Bul týraly Parlament Senatynyń baspasóz qyzmeti habarlady.

Parlament Májilisi maquldaǵan «Qazaqstan Respýblıkasynyń Úkimeti men Reseı Federasııasynyń Úkimeti arasyndaǵy «Baıqońyr» ǵarysh aılaǵynda «Báıterek» ǵarysh zymyran keshenin qurý týraly kelisimge ózgerister men tolyqtyrýlar engizý týraly hattamany ratıfıkasııalaý týraly» zań jobasyn bólý kún tártibindegi ekinshi másele boldy. Joǵarǵy palatanyń Halyqaralyq qatynastar, qorǵanys jáne qaýipsizdik komıteti osy zań jobasyna pysyqtaý jumystaryn júzege asyratyn jáne qorytyndy ázirleý boıynsha bas komıtet bolyp belgilendi.

Bıýro otyrysynda sonymen qatar Senattyń 26 jeltoqsanda ótetin kezekti otyrysynyń kún tártibine 11 másele engizý týraly usynys qaraldy.

Otyrys barysynda Senat Tóraǵasy Darıǵa Nazarbaeva bala asyrap alý týraly zańǵa túzetýler engizý týraly másele kóterdi. Konstıtýsııalyq zańnama, sot júıesi jáne quqyq qorǵaý organdary komıtetiniń tóraǵasy Vladımır Volkovtyń aıtýynsha, búgingi tańda zań jobasy komıtette barlyq jaýapty organdarmen jáne qoǵamdyq uıymdarmen birlesip qaralýda.

«Jumystyń osy jerinde úlken olqylyq bar. Otbasynan patronattyq tárbıege nemese qamqorlyqqa ketken balalarǵa eshqandaı monıtorıng júrgizilmegen. Bul balalarǵa memleket nazar aýdarmaı otyr. Olar balalar úıinde bolǵanda memleket baqylaı alady, jurtshylyq monıtorıng júrgizedi, jaýapkershilik bar. Balalar otbasynan ketip qalǵan jaǵdaıda ómiri qalaı qalyptasatynyn eshkim bilmeıdi. Bul faktini eskerý kerek», - dedi Darıǵa Nazarbaeva.

Bıýroda Parlament Senatynyń reglamentine ózgerister men tolyqtyrýlar týraly máseleni otyrystyń kún tártibine engizý jóninde usynys qaraldy. Qazirgi ýaqytta reglament 182 tarmaqtan turady. Endi 55 túzetý engizý josparlanyp otyr.

Senat Tóraǵasy joǵarǵy Palatanyń reglamenti týraly, Parlamentke kelip túsetin zań jobalarynyń sapasy men olardy daıyndaý merzimderi týraly máseleni kótere otyryp, Úkimettiń Parlamenttegi ókili Ermek Amanshaevqa: «Zań jobasyn qaraý merzimi boıynsha másele óte ótkir kúıinde qalyp otyr. Ár jyl saıyn qarasha aıynyń sońy men jeltoqsanda zańdar túse bastaıdy. Bul jobalardy biz shuǵyl túrde qarastyra bastaımyz. Ol durys emes. Bul zańnyń sapasyna áser etedi», - dedi ol.

E.Amanshaevtyń aqparaty boıynsha, qańtar aıynan maýsym aıyna deıin Úkimet zań jobalaý jumystaryn daıyndaý josparynyń 30%-yn oryndady. Sondyqtan búgingi kúni Premer-mınıstrdiń tapsyrmasy boıynsha Úkimet jumysynyń reglamentine ózgerister engizildi.

Palata basshysy Úkimetke zań jobalaý jumystarynyń josparyn kelisýdi jáne Parlamentke aldyn ala zań berýdi usyndy. «Ústimizdegi jyly qaralatyn zańdar kem degende eki aı buryn túsýi kerek. Depýtattar zań jobasyn sapaly ári merziminde qarap úlgerýi úshin», - dep atap ótti D.Nazarbaeva.

Bıýro músheleri otyrys barysynda Qazaqstan Respýblıkasy Parlamenti Senatynyń 2020 jylǵa arnalǵan Negizgi is-sharalar josparyn bekitti.

Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar