Bul qosymsha aqy arnaıy qyzmetterdi tikeleı usynatyn jumysshylardyń eńbeginiń kúrdeliligi men joǵary qarqyndylyǵyna baılanysty saralanady.
Atap aıtqanda, stasıonarlyq jáne jartylaı stasıonarlyq úlgidegi medısınalyq-áleýmettik mekemelerde (pallıatıvtik kómek bólimshelerin (palatalaryn) qospaǵanda): basqarý personalyna – laýazymdyq jalaqydan (budan ári - LJ) 30%; Negizgi personal qyzmetkerlerine (áleýmettik qyzmetkerdi qospaǵanda) – LJ-dan 35%; áleýmettik qyzmetkerlerge, sanıtarlarǵa – LJ-dan 40%.
Stasıonarlyq jáne jartylaı stasıonarlyq úlgidegi medısınalyq-áleýmettik mekemelerdiń pallıatıvtik kómek bólimshelerinde (palatalarynda): barlyq mamandyqtaǵy tárbıeshilerge, medbıkelerge, sanıtarlarǵa – LJ-dan 60%.
Úıde qyzmet kórsetý, ýaqytsha bolý uıymdarynyń qyzmetkerlerine: basqarýshy personalǵa –LJ-dan 15%; negizgi personal qyzmetkerlerine (áleýmettik qyzmetkerdi qospaǵanda) – LJ-dan 20%; áleýmettik qyzmetkerlerge – LJ-dan 35%; sanıtarlarǵa – LJ-dan 20%.
Joǵaryda kórsetilgen sanattaǵy qyzmetkerlerdiń jalaqysyn arttyrýdy qarjylandyrý úshin 2020-2022 jyldarǵa arnalǵan respýblıkalyq bıýdjette jyl saıyn 8,4 mlrd teńge kózdelgen.
