Aımaqtar • 24 Jeltoqsan, 2019

Taraz-Túrkistan baǵytyndaǵy tas jol ashyldy

80 retkórsetildi

Jambyl oblysynyń Jýaly jáne Jambyl aýdandarynyń aýmaǵynda qarly boran turyp, onyń saldarynan Jambyl men Túrkistan oblystaryn jalǵaıtyn kúre jol jabylǵan bolatyn. Joldyń kórinbeýi saldarynan kólik qozǵalysy da qıyndap, tipti jolda qalǵandar da kezdesti.

Jambyl oblystyq Polısııa departamenti Jergilikti polısııa qyzmeti basqarmasy bastyǵynyń orynbasary, polısııa polkovnıgi Samat Qusaıynovtyń aıtýynsha, aýa-raıynyń qolaısyzdyǵyna baılanysty «Batys Eýropa-Batys Qytaı» respýblıkalyq mańyzy bar avtojolynyń Túrkistan oblysynyń baǵytynda jáne odan ári qaraı Túrkistan oblysynyń shekarasyndaǵy Nurlykent aýylynan ótetin 534 shaqyrymynda jáne Taraz qalasy baǵytyndaǵy 593 shaqyrymyndaǵy joldar jabylǵan. Deı turǵanmen, jedel sheshimder qabyldanyp, qar qursaýynda qalǵandar qutqaryldy.

Oqıǵaǵa oraı, oblystyq Polısııa departamenti basshylyq quramynyń qatysýymen 130-ǵa jýyq polısııa qyzmetkeri jáne 32 qyzmettik kólik táýlik boıy joldarda kezekshilikte bolyp, joldaǵy qaýiptilik deńgeıiniń joǵary bolýyna oraı júrgizýshilerge eldi mekenderden shyqpaýdy eskertti. Sondaı-aq, polısııa qyzmetkerleri qar qursaýynda qalǵan 466 kólik pen adamdardy shyǵaryp, qaýipsiz jerlerge jáne jylytý pýnktterine jetkizdi. Eldi mekende barlyǵy 6 jylytý pýnkti ashylyp, 505 adam ornalastyryldy. Onyń ishinde 7 adam kórshi Qyrǵyz Respýblıkasynyń azamaty.

«Polısııa qyzmetkerleriniń eki táýlik boıy tynymsyz qyzmet kórsetip, jol jaǵdaıyn úzdiksiz baqylaýynyń nátıjesinde zardap shegýshiler bolǵan joq. Qazirgi ýaqytta aýa-raıynyń turaqtanyp jáne joldardyń tazalanýyna baılanysty Taraz qalasynan Túrkistan oblysy baǵytyndaǵy tas jol ashyldy. Júrgizýshiler qaýipsizdigi men jol-kólik apattarynyń aldyn alý maqsatynda atalǵan aýmaqtar Jambyl oblysy Polısııa departamentiniń baqylaýynda», deıdi Samat Qusaıynov.

 

Jambyl oblysy

Sońǵy jańalyqtar

Eljan Birtanov Qytaı elshisimen kezdesti

Qazaqstan • Búgin, 19:17

Basty aqparat (21.02.2020)

Vıdeo • Búgin, 18:56

Semeıde stýdentter jataqhanasy órtendi

Aımaqtar • Búgin, 17:40

Memleket basshysy birqatar kezdesý ótkizdi

Prezıdent • Búgin, 17:08

Qańǵybas ıtter de qorǵalatyn boldy

Aımaqtar • Búgin, 12:04

Barlyq másele ashyq aıtyldy

Aımaqtar • Búgin, 06:56

Uqsas jańalyqtar