Aımaqtar • 24 Jeltoqsan, 2019

Qumar Aqsaqalov: Oblys ekonomıkasyn agrarlyqtan agrarly-ındýstrııalyǵa burý mindetimiz

53 retkórsetildi

Keshe Soltústik Qazaqstan oblysy ákimdiginde qoǵam qaıratkerleri, BAQ pen saıası partııalar ókilderi, bıznes qaýymdastyǵy qatysqan keńeıtilgen otyrys bolyp, onda ekonomıkanyń barlyq salasy boıynsha jańa jyldaǵy jumys jospary jarııalandy. Otyrysty júrgizgen óńir basshysy Qumar Aqsaqalov sózdi ár salanyń basshylaryna berip otyrdy.

Aldymen aýyl sharýashylyǵy basqarmasynyń bastyǵy Erbolat Bekshenovtyń, ındýstrııalyq-ınnovasııalyq damý basqarmasynyń bastyǵy Arman Orazǵulovtyń, qurylys, sáýlet jáne qala qurylysy basqarmasynyń bastyǵy Serik Muhamedıevtiń jáne t.b. baıandamalary tyńdaldy. Olardyń aıtýyna qaraǵanda aldymyzdaǵy jyly otandyq jáne sheteldik 226,3 mlrd teńge kapıtal óndiriske quıylyp, sonyń arqasynda 34 joba iske asyrylmaqshy. Bul jańadan 3000 jumys ornyn ashýǵa qol jetkizedi.

Sonyń ishinde agroónerkásip salasyna ústimizdegi jyly  quıylǵan jáne jańa jylda jalǵasatyn ınvestııasııa kólemderi men iske asyrylatyn jobalar týraly aıtyldy. «Jalpy, bul sala boıynsha 2020 jyly biz on úsh iri ınvestısııalyq jobalardy iske asyrýdy josparlap otyrmyz. Olarǵa 22,8 mlrd teńge quıylyp, jańadan 300 jumys orynyn ashý josparlanǵan», dedi E.Bekshenev.  Onyń aıtýyna qaraǵanda oblys azyq-túlik qaýipsizdigin qamtamasyz etýdiń bir amaly retinde taýarly-sút fermalaryn kókptep qurýǵa qatty nazar aýdarýda eken. Máselen, qazir «Qyzyljar-Sút» JShS sút óndirýge 2,1 mlrd teńge quıyp, 720 oryndyq keshendi bıyl salyp úlgergen. Endi aldymyzdaǵy kóktemde 1,8 mlrd teńgege Avstrııadan 360 tuıaq sútti sıyr jetkizbekshi. Sóıtip jańadan 35 jumys ornyn ashýdy kózdep otyr eken.

Sút fermasyn ashýdy kózdep otyrǵan sharýalar budan basqa da birnesheý bolyp shyqty. Sonyń ishinde Ǵabıt Músirepov aýdanyndaǵy «Vozvyshenka SK» 600 oryndyq sút keshenin salýdy qolǵa alǵan. A.Nýkaev basshylyq etetin bul JShS jobaǵa 1,2 mlrd teńge quıýǵa daıyn eken. Sondaı-aq A.Saparov basqaratyn «Noǵaıbaı» JShS de osyndaı jobany qolǵa alyp otyrǵan kórinedi. Osyndaı barlyǵy jeti taýarly-sút fermalary SQO-da aldymyzdaǵy jyly esigin ashpaqshy.

Asyl tuqymdy reprodýktorlar óndirý isi de nazardan tys qalmaıdy. Aqjar aýdanyndaǵy T.Arǵynbaev basqaratyn «Bereke-Aqjar» JShS 2500 tuıaq osyndaı buqa  ósirmekshi, sonymen qatar 3000 tuıaq mal semirtý alańyn qurýdy kózdep otyr eken. Bul isterge «Bereke - Aqjar»  barlyǵy 2,5  mlrd teńgeniń qarajatyn quımaqshy. JShS qazirdiń ózinde atalǵan maldardy satyp alý jóninde Avstralııanyń «Avstraltıks» fırmasymen kelisimshart jasap qoıǵan.

Osyndaı mal semirtý alańdaryn «Eleskoe» JShS, «Jerqýar» agrofırmasy, «Astyq satý kompanııasy» JShS qolǵa alyp otyr. Olardyń árqaısysy bul iske 2 -3 mlrd teńgeden aqsha quıady. Qus etin óndirý boıynsha «Iаkorskaıa ptısefabrıka» JShS óndiristi damytýǵa 0,6 mlrd teńge quıyp, qus sanyn qosymsha 75 myńǵa arttyrmaq, bul jumyrtqa óndirý kólemin táýligine  100-den 150 mln danaǵa deıin arttyrady dep kútilýde.  

Et-sút ónimderin shyǵarý boıynsha aldaǵy jyly SQO-nyń «Maslo Del» JShS atty iri fırmasy óndiriske 4,2 mlrd teńge quıyp, jyldyq qýatyn 32 myń tonna ónim shyǵarýdy josparlap otyr. Sondaı-aq Shveısarııanyń Eksoıl Grýpp maı shyǵarý zaýytymen birlesken jańa kásiporyn salý boıynsha kelissózder júrgizilýde eken.

Qurylys salasy boıynsha aıtylǵanda quramajem shyǵaratyn «KAZMEAL» zaýyty iske qosylyp, 76 jumys orny ashylǵany belgili boldy. Buǵan quıylǵan ınvestısııa kólemi 4,2 mlrd teńge bolyp, jyldyq qýaty 360 myń tonna ekeni jetkizildi.  Sonymen qatar kópten iske qosylmaı turǵan «EMC Agro» et qombınaty tolyq jóndeýden ótken. Bul iske 5 mlrd teńge salynyp, jańadan 78 jumys orny ashylǵan. Qazir et kombınaty táýligine 50 tonna ónim daıyndaı alady.

Sonymen birge oblys ortalyǵynda kópten beri qańyrap turǵan orynda  «Dostyk Mall» saýda ortalyǵy iske qosylyp, oǵan memleket pen jekemenshik kapıtal birlesip 5,4 mlrd teńge ınvestısııa quıǵany aıtyldy. Qazir qalalyqtardyń kózaıymyna aınalǵan bul oryn shahardyń da sánin  arttyryp tur.

«Qyzyljar» arnaıy ekonomıkalyq aımaǵyna Túrkııanyń YDA Holding kompanııasy qyzyǵýshylyq bildirip, 500 oryndyq aýrýhana keshenin salýdy kózdep otyrǵany da aıtyldy. Bul isti iske asyrý úshin «Petropavlovsk City Hospital» JShS qurylǵan eken, al 12 jeltoqsanda Indýstrııa jáne ınfraqurylymdyq damý mınıstrliginiń buıryǵymen aýrýhana kesheni basymdy baǵyttaǵy qurylys qataryna engizilipti. Sondaı-aq fanera zaýyty, shrot shyǵaratyn seh, termovagondar zaýyty, elektrotehnıkalyq kásiporyn jáne aǵash óńdeý zaýyty iske qosylady dep josparlanyp otyr.

Al Aıyrtaý aýdanynda otandyq ınvestor «Energo Trust» JShS  jeldiń kúshinen qýat alý parkin salýdy josparlap otyrǵan kórinedi. Jalpy oblysta barlyǵy 25 jel generatory ornatylady dep kútilýde. Eger olardyń bári ornatylsa 50 megavatt elektr qýaty óndirilmek. «Bul jobalar óńir ekonomıkasyna tyń serpin beredi. Bizdiń maqsat ekonomıkany agrarly-ındýstrııaly etý. Jańa kásiporyndar ashyp, óndiris kólemin ulǵaıtý kerek», - dedi Qumar Aqsaqalov otyrysty qorytyndylaǵan sózinde.

Mine, qysqasha aıtqanda Soltústik Qazaqstan oblysynyń jańa jyldaǵy ekonomıkalyq jańalyqtary osyndaı bolmaq.

Soltústik Qazaqstan oblysy

Sońǵy jańalyqtar

Eljan Birtanov Qytaı elshisimen kezdesti

Qazaqstan • Búgin, 19:17

Basty aqparat (21.02.2020)

Vıdeo • Búgin, 18:56

Semeıde stýdentter jataqhanasy órtendi

Aımaqtar • Búgin, 17:40

Memleket basshysy birqatar kezdesý ótkizdi

Prezıdent • Búgin, 17:08

Qańǵybas ıtter de qorǵalatyn boldy

Aımaqtar • Búgin, 12:04

Barlyq másele ashyq aıtyldy

Aımaqtar • Búgin, 06:56

Uqsas jańalyqtar