Aımaqtar • 24 Jeltoqsan, 2019

Astana irgesinde áleýmettik nysandar qurylysy qolǵa alynady

12 retkórsetildi

Aqmola oblysynyń ákimi Ermek Marjyqpaev Selınograd aýdanyna jumys saparymen bardy. О́ńir basshysy Elorda mańyndaǵy eldimekenderdegi mektep, aýrýhanalar men dárigerlik ambýlatorııalardyń qurylysyna toqtalyp, qarqyndy ósip kele jatqan aýyldardyń aldaǵy damý josparyn taldady.  

Qaraótkel aýylyndaǵy №6 orta mektepte synyp jetispeýshiligi oryn alýda. Bilim oshaǵy 350 oqýshyǵa laıyqtalyp salynǵan bolsa, búgingi tańda oqýshylardyń  sany eki  ese kóp.   

– Qazir munda 720 bala oqyp, bilim alýda. Keıde synyp jetispegennen kitaphananyń oqý zalynda sabaq ótkizemiz, – deıdi mektep dırektory Aıtan Ahmet.

Qaraótkelde 90 shaqyrym aýyl ishilik jol bolsa, onyń 10 shaqyrymyna asfalt, 27 shaqyrymyna qumqaıraq tóselipti. Qysta qar basyp, jazda shańy burqyrap jatatyn 60 shaqyrym joldy talapqa saı salý josparlanýda. Sondaı-aq, aýyldy jaryqpen jáne aýyzsýmen qamtý máselelerine de túbegeıli ózgerister engizilmek.

– Áleýmettik salaǵa 4 mıllıard teńge bólindi. 4 jańa mektep salynady, birqatar bilim oshaqtaryna jóndeý jumystary júrgiziledi. Aýyz sýmen qamtýǵa 3 jarym mıllıard teńge bólindi. 6 jarym mıllıard teńge jol qurylysyna baǵyttaldy. Aýdannyń jalpy bıýdjeti 20 mıllıard teńgege jýyq. Halyq sanynyń kúrt ósýimen áleýmettik nysandarǵa suranys artatyny belgili. Oǵan tıisti qarajat bólinip te jatyr, – deıdi oblys ákimi Ermek Marjyqpaev.

Qalyptasyp otyrǵan jaı dárigerlik ambýlatorııa mamandaryna da salmaq salyp otyr. Demek, ekinshi medısınalyq nysan salý da qajet. Salǵyrttyqtan san soqqan eldi mekenderdiń biri – Orazaq aýyly. Bul aýylda da bilim oshaǵynda, áleýmettik-turmystyq mekemelerdiń qyzmetinde de turǵyndardyń kóbeıýine baılanysty sheshimin kútken máseleler az emes.

Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar