Aımaqtar • 24 Jeltoqsan, 2019

Sandyqtaý aýdanynda muz qalashyqtary turǵyzylýda

14 retkórsetildi

Sandyqtaý aýdany mektepteri de jańa jylǵa jaqsy daıyndyq jasap, óz aýlalarynda muz qalashyqtaryn turǵyzýda. Ertegi qalashyqtaryn este qalarlyqtaı etip ádemi de sándi etip jasaǵan bilim oshaqtary arnaıy syılyqtarmen marapattalady. Solardyń arasynda Kamenka orta mektebiniń ujymy únemi aldyńǵy orynnan kórinýde.

Qaıyńy men qaraǵaıy kók tiregen, taýly-tasty Kamenka selosy qar túsisimen tipten kóriktenip ketedi. Jańa jyl jaqyndaǵan saıyn jergilikti orta mekteptiń oqýshylary men ata-analary, ustazdary ádemi kúı keshedi. Olar muzdan qalashyq jasaýdyń qamyna kirisedi.

– Muz qalashyǵyn salý úrdisi osydan 10 jyl buryn josparly túrde qolǵa alynyp edi. Oǵan oqýshylar, ata-analar, barlyq ustazdar belsene qatysady. Árkim myń oılanyp, júz tolǵanyp, ertegi keıipkerleriniń beınesin somdaıdy. Bul ıgilikti isten eshkim shet qalǵan emes. Jańa jylǵa sanaýly kúnder qaldy. Muz qalashyǵyn jasaýǵa qatysqan jáne jeńiske jetken oqýshylardy jergilikti seriktestiktiń basshysy, Sandyqtaý aýdandyq máslıhatynyń depýtaty Alekseı Djeıranovtyń syılyqtary kútip tur,–deıdi Kamenka orta mektebi dırektorynyń orynbasary Lıýdmıla Pogorelova. 

Jastar jylymen qosh aıtysar kún de alys emes. Onyń shapaǵatyn mektep oqýshylary da kórip, shyǵarmashylyq tabystarǵa keneldi. Sonyń biri – muz qalashyǵyn salý kezinde aıqyn sezildi.

– Bizdiń synyp orystyń ejelgi Aıaz atasynyń muz beınesin somdady. Ony boıaý jumystary ǵana qaldy. Búgin-erteń bitiremiz. Synybymyzdyń ár oqýshysy óz oılarymen bólisip, kelisti aıaz ata kelbetin somdady. Men bul sharaǵa birinshi synyptan bastap qatysyp kelemin. Shytymyr aıazda ertegi keıipkerlerin somdaý qandaı ǵanıbet,–deıdi Kamenka orta mektebiniń  oqýshysy Vıktorııa Osıpova.

31 jeltoqsan kúni «Kamenka jáne D» seriktestiginiń bas dırektory muz qalashyǵyna belsene qatysqan oqýshylar men jeńimpazdarǵa baǵaly syılyqtar men táttiler tabys etedi.

Sońǵy jańalyqtar

Tarıhta qalǵan indetter

Tarıh • Búgin, 00:40

Ulttyq kınodaǵy karantın

Aımaqtar • Keshe

Uqsas jańalyqtar