Tehnologııa • 24 Jeltoqsan, 2019

IDC zertteýi: Qazaqstan IT naryǵy sapaly ózgeristerden ótý úshin barlyq qajetti alǵysharttar bar

15 retkórsetildi

Búgingi tańda árbir kompanııa sıfrly uıymǵa aınalyp otyr. Kásiporyndar men búkil salalar túbegeıli ózgeristerdi bastan ótkerip jatyr. Bul – jumys oryndary men qyzmetkerlerdiń biliktiligine jańa talaptar qoıatyn, bolashaqtaǵy saldary tereń tóńkeristiń naq ózi. Bulttyq tehnologııalardy, jasandy ıntellekt pen basqa da ozyq tehnologııalardy endirý qarqyn aldy. Alaıda sıfrly transformasııany júzege asyryp, báseke qabilettiligin arttyrý úshin kompanııalarǵa tek qana tehnologııalar qajet emes.

IDC sarapshylarynyń Microsoft  korporasııasy úshin júrgizgen «Ortalyq jáne Shyǵys Eýropadaǵy sıfrlik daǵdylardyń jaǵdaıy» (The State of Digital Skills in CEE) atty jańa zertteýi qyzyqty nátıjelerdi kórsetip otyr. Máselen, bulttyq tehnologııalardy endirip jatqan Shyǵys jáne Ortalyq Eýropadaǵy kompanııalarda AT biliktiligi bar mamandarǵa degen qajettilik basqa kompanııalarǵa qaraǵanda 35%-ǵa joǵary eken. Osynyń nátıjesinde bıznes qazirdiń ózinde tájirıbeli kadrlardyń tapshylyǵyna tap bolyp otyr. Búgingi tańda osy elderdegi qyzmetkerlerdiń 3,5%-y ǵana AT biliktiligi talaptaryna tolyǵymen jaýap bere alady. Tıisti sharalar qabyldanbasa, suranys pen usynys arasyndaǵy alshaqtyq arta bermek.

Qazaqstan ekonomıkasynyń damý qarqynyn shapshańdatyp, azamattardyń ómir sapasyn kóterýge baǵyttalǵan «Sıfrly Qazaqstan» baǵdarlamasyn júzege asyrý aıasynda memlekettik qyzmetterdiń elektrondyq formatqa ótýi 2020 jylǵa qaraı 80%-dy quraýy tıis. Birinshi kezekte, aqparattyq-kommýnıkasııalyq tehnologııalar salasyndaǵy mamandardyń asa tapshy bolýyna baılanysty Qazaqstan bul kózdegen maqsatyna jetpeı qalýy múmkin.

Qazir ózekti bolyp otyrǵan bes daǵdyǵa sarapshylar avtomattandyrý jáne robottandyrý, úlken derekterdi taldaý, jańa sáýletterge ótý (máselen, bulttyq), mobıldilik jáne netvorkıng syndy bilimderdi jatqyzady. Taıaý 2-3 jylda birlesken jumysty júrgizý úshin qosymshalardy qoldana bilý, sondaı-aq, aqparattyq qaýipsizdik pen derekterdi qorǵaý salasyndaǵy bilimder asa kókeıtesti bola túspek.

Endigi jerde, jalǵyz sheshim – AT biliktiligin kóterý! Osy jáıtterge oraı, 2019 jyldyń sáýirinde ál-Farabı atyndaǵy Qazaq Ultyq ýnıversıtetinde Microsoft AT-akademııasynyń ashylý saltanaty ótti. Akademııa tehnologııaǵa baǵdarlanǵan ekonomıkada jetistikke jetý úshin qajetti oqý baǵdarlamalaryn usynady.

Ál-Farabı atyndaǵy QazUÝ, Satbayev University jáne «Astana IT University» syndy oqý oryndarymen О́zara túsinistik týraly memorandýmdarǵa qol qoıyldy. Mámilelerdiń sharty «Sıfrly Qazaqstan» memlekettik baǵdarlamasynyń  mindetterin júzege asyrý aıasynda ýnıversıtetterdi sıfrǵa kóshirý jobalaryn, Microsoft-tyń bilim berýge arnalǵan ozyq tehnologııalary men sheshimderin qoldana otyryp bilim berý úderisin daıyndaýǵa baǵyttalǵan.

«Microsoft bolashaq býyndy jarqyn sıfrlik keleshekke daıyndaý úshin Qazaqstannyń bilim berý sektorynda bastamalardy júzege asyryp jatyr. Qaı pándi almasaq, AT daǵdylary men quzyrettilikterin meńgerýdiń róli artyp kele jatqandyǵy anyq, sondyqtan biz osy tehnologııalar men quraldardy árbir azamat úshin qoljetimdi etýge kómektesip otyrmyz», - deıdi Microsoft Qazaqstan bilim berý sektorymen jumys júrgizý jónindegi basshysy Nurlan Jánibek.

IDC zertteýi Qazaqstanǵa qatysty asa optımıstik baǵa berip otyr: Qazaqstan IT naryǵynda sapaly ózgeristerden ótý úshin búkil qajetti alǵysharttar bar. IDC sarapshylarynyń pikirinshe, naryqtyń oń qarqynmen damýy bıznes pen memlekettiń IT-saıasatta sapaly ózgeristerdi júzege asyrýǵa qanshalyqty daıyn bolýymen baılanysty bolmaq.

Sońǵy jańalyqtar

Abaı murasyna arnalǵan kórme

Rýhanııat • Keshe

Jaǵa ustatqan jat qylyq

Aımaqtar • Keshe

Uqsas jańalyqtar