Saıasat • 10 Qańtar, 2020

Qazaqstan GREKO músheligine qabyldandy

23 retkórsetildi

Qazaqstan resmı túrde Eýropa Keńesiniń Sybaılas jemqorlyqqa qarsy memleketter tobyna (GREKO) endi. Bul týraly Prezıdent janyndaǵy Ortalyq kommýnıkasııalar qyzmetinde Sybaılas jemqorlyqqa qarsy is-qımyl agenttigi tóraǵasynyń birinshi orynbasary Oljas Bektenov málimdedi.

GREKO-ǵa qosylý Qazaq­stan­nyń sybaılas jemqorlyqqa qarsy is-qımyl salasyndaǵy shet­eldik áriptestermen ózara serik­testigin keńeıtýdegi kezekti qada­my boldy. Bul sybaılas jem­qor­lyqqa qarsy is-qımyldyń ulttyq júıesin odan ári jetildirý úshin Eýropa Keńesiniń sarapshylyq áleýetin tartýǵa múmkindik be­redi.

 – Byltyr 30 jeltoqsanda elimiz tıisti zań jobasyn ratıfıkasııalap, Qazaqstan resmı túrde Eýropa Keńesiniń Sybaılas jemqorlyqqa qarsy memleketter tobynyń (GREKO) 50-shi múshesi boldy, – dedi O.Bektenov.

GREKO-ǵa múshelik sybaılas jem­qorlyqqa qarsy zańnamanyń eýro­palyq standarttarǵa sáıkestigine turaqty monıtorıng júrgizýdi kózdeıdi. Bul óz kezegin­de elde júrgizilip jatqan sybaı­las jemqorlyqqa qarsy saıasat­tyń tıimdiligin baǵalaýǵa múmkin­dik beretin Eýropa Keńesi tarapy­nan aýdıt sanalady. Monı­torıng qorytyndysy boıynsha usy­nymdar ázirlenip, olardy oryndaý úshin memleketterge 18 aı beriledi.

Sonymen qatar qazaqstandyq sarapshylar da ózge qatysýshy elderdiń monıtorıngi úshin baǵalaý top­tarynyń quramyna enedi. Olar Qazaqstannyń sybaılas jem­qorlyqqa qarsy saıasaty­nyń progressıvti elementterin uıymǵa kiretin basqa elderde taratýda «jolserik» bolady.

Sybaılas jemqorlyqqa qarsy is-qımyl agenttigi tóraǵasynyń birinshi orynbasary O.Bektenov GREKO-ǵa kirý Qazaqstanǵa Eýropa Keńesi konvensııasynyń sybaılas jemqorlyq úshin qylmystyq jaýapkershilik jáne basqa da mańyzdy halyqaralyq normatıvtik quqyqtyq aktilerdi ratıfıkasııalaýǵa múmkindik beretinin atap ótti.

 – Olardy ratıfıkasııalaý sheteldik áriptestermen qylmys­kerlerdi ekstradısııalaýǵa, shetelge shyǵarylǵan aktıvterdi qaı­tarý bóliginde odan ári tıimdi ynty­maqtastyqty damytýǵa múm­kin­dik beredi, – dedi O.Bektenov.

 

Uqsas jańalyqtar