Ádebıet • 20 Naýryz, 2020

Naýryz meıramynda oqýǵa bolatyn kitaptar

181 retkórsetildi

Naýryz qyzyqtary endi bastalǵandaı. Búgingi toptamadan trıller, ómirbaıan, magııalyq realızm janryndaǵy týyndylarǵa tańdaý jasap, sondaı-aq zamanaýı qazaq prozasynyń damý baǵdaryn saralaı alasyz.

Instıtýt (The Institute)

Stıven Kıng

Kishkentaı uldy túsinde urlap ketip, daryndy balalarǵa tájirıbe júrgiziletin kózden tasa jerdegi «Instıtýtqa» ornalastyrady. Basty keıipker tylsym qasıetke ıe, nysanaly bala edi. «Instıtýtqa» keregi de sol – aýyr tájirıbeler arqyly óz maqsattaryna qol jetkizý. Al bul qapastan qashyp qutylǵan eshkim joq. Ebin tapqan eki asaıdy degen, urymtal sátti kútken bala dushpanymen ańdysa bastaıdy. Bastysy bostandyqqa qol jetkizetinine degen seniminen aınymaǵan. Keı synshylar, aıdaı álemdi baǵyndyrǵan qaharmandyq sıýjettiń áldeqashan taptaýryn bolǵandyǵyn, týyndynyń jazýshynyń ózge shyǵarmalarymen jeliles ekendigin aıtyp jatyr.

 

Áke-sheshemniń buny bilmegeni ókinishti (al balalarymnyń joly boldy) (The Book You Wish Your Parents Had Read (And Your Children Will Be Glad That You Did)

Fılıppa Perrı

Fılıppa Perrı – brıtandyq psıhoterapevt, birneshe kitaptardyń, onyń ishinde «Couch Fiction» grafıkalyq romanynyń avtory. Psıhoterapııamen baılanysty stereotıpterdi joıýǵa tyrysady. Perrı óziniń jańa kitabynda ósip kele jatqan balaǵa jyly, senimdi qarym-qatynas kórsetýdiń jolyn túsindiredi. Sonymen qatar, terapevt sizdiń áke-shesheńizdiń qandaı tıpke jatatynyn taldap, óz sezimderińizdi durys jetkizýge jáne balany túsinýge kómektesedi.

 

Aın Rend. Naryq Qudaıy (Goddess of the Market: Ayn Rand and the American Right)

Djennıfer Berns

Sońǵy onjyldyqta álemdik bestsellerler tiziminen túspegen «Qaınar» romanynyń avtory jazýshy Aın Rendtiń ómirbaıanyn arqaý etken eńbek tyń derektermen qýantady. О́ıtkeni Djennıfer Berns – jazýshynyń jeke qujattaryna alǵash ret ruqsatpen qol jetkizgen táýelsiz tarıhshy. Onyń onshaqty jylyn sarp etken ómirbaıandyq romany Aın Rend tulǵasynyń qalyptasýy men damýy jaıynda, artynda qalǵan muralary týrasynda syr shertedi.

 

Baqalar (FROG)

Mo Iаn

«Baqalar» kitabynyń sıýjeti HH ǵasyrdyń ekinshi jartysynda Qytaıda órbıdi. Kitap avtory Mo Iаn Qytaıdaǵy zamanaýı Qytaı ádebıetiniń kórnekti ókili, Nobel syılyǵynyń laýreaty. Ol eldegi «bir otbasy, bir bala» saıasatynyń shyndyǵyn ashyp kórsete otyryp, «Baqalardy» sıqyrly realızm elementterin qoldana otyryp jazdy. Basty keıipker akýsher Van Sın júzdegen balanyń jaryq dúnıege kelýine kómektesti, biraq jańa saıasatqa oraı adamdyq ustanymyna qarsy shyǵýy tıis. Bılikpen ymyraǵa kelýinen basqa jol da joq, al ózińe, óz senimińe qarsy shyǵý ońaı ma?

Bolmaǵan balalyq shaq

Aqberen Elgezek

Aqynnyń feısbýk áleýmettik jelisinde balalyq shaqtan qalǵan estelikteri «Qaıdaǵy-jaıdaǵy eske túskende» sıklimen jarııalanyp, óz oqyrmanyn tapqan bolatyn. Kópshilik arasynda keń taralǵan povest jýyrda tolyqtyrylyp, basylyp shyqty.

«Siz oqyǵaly otyrǵan myna shaǵyn hıqaıat meniń qyzyqty da muńdy balalyq shaǵymnan syr shertedi. Shyǵarma shyraıy shyndyǵynda demekshi, osy hıqaıatta baıandalǵan oqıǵalar oıdan shyǵarylǵan dúnıeler emes, meniń basymnan ótken taǵdyr. Hıqaıatta aty atalǵan keıipkerler de kezdeısoq, qııalymda týǵan jandar emes, biri baqıǵa attanǵan, biri fənıde saý-salamat ǵumyr keship jatqan adamdar», deıdi jazýshy. Avtordyń aıtýynsha, kitap satylymynan túsken qarjy qaıyrymdylyq maqsatta jumsalmaq. Endeshe saýapty iske asyǵaıyq, oqyrman!

Móp-móldir kózdiń qarasy

Beıbit Sarybaı

Kórkem týyndyǵa kóne Taraz shaharynyń myńjyldyq tarıhymen astasqan ańyz-áńgimeler men jazýshynyń ózindik paıymy arqaý bolǵan. Avtordyń sııasy kepegen jańa týyndysyn oqı otyryp, mahabbat sımvolyna aınalǵan Aısha bıbi kesenesi men Aqyrtas saraıy syndy ǵashyqtyq hıkaıalary men ańyz-dastan týdyrǵan kórikti qalanyń talaıly syryna qanyq bolasyz.

«Áýeldegi maqsat jazýshyǵa belgili bir óńir týraly óz qalaýynsha, óz stılinde kórkem týyndy jazyp shyǵý bolatyn. Men Taraz qalasyna osy jerdiń týmasy, aqyn Erlan Júnispen birge keldim. Ol osy topyraqtyń tamyrymen bite qaınasqan tereń ári talantty aqyn. Ekeýmiz kitapty jazý barysynda Taraz týraly tyń dúnıeler izdep birge júrdik. Áńgimeni jazyp shyǵatyn ýaqyt óte tyǵyz boldy. Kólemi 100 betten kem bolmaý kerek degen talap boldy. Shyǵarmanyń ataýy poıyzda, tambýrda turǵanda qoıyldy. Erlan baýyryma «Shyǵarmaǵa Fırdoýsıdiń «Móp-móldir kózdiń qarasyn, Tarazdan ǵana tabasyń» degen óleń jolyn epıgraf etip alamyn», dedim. Munymdy qup kórgen Erlan kitap ataýyn da taýyp turǵanymdy aıtyp, boıyma senim uıalatty», deıdi jazýshy jańa týyndysy haqynda.

Zamanaýı qazaq prozasy qataryn jýyrda jaryq kórgen shyǵarmalar Nurlan Qavdaıdyń «Sur áńgime», Esbol Nurahmettiń «Taýsylmas tún», Berikbol Batannyń «О́likterdiń ýysynda erıdi» kitaptary tolyqtyrdy. Ádebıet pen ádebıetshige, jazýshy men keıipkerge kóńil bólýge aıryqsha múmkindik berip otyrǵan ýaqytty tıimdi ótkizip, qazaq prozasynyń qataryna qosylyp kele jatqan jańa toppen tanysa otyryńyz!

Sońǵy jańalyqtar

Kásipkerler tilegi eskerildi

Qoǵam • Búgin, 11:11

Qarttar úıindegi qasiret

Aımaqtar • Búgin, 10:49

.Daǵdarys daýylyna tosqaýyl - J. Nurabaev

Ekonomıka • Búgin, 10:45

Fýtbol: Para aldy dep aıyptalýda

Sport • Búgin, 09:38

Úkimet otyrysy ótip jatyr

Úkimet • Búgin, 09:20

Kómek alý ońtaılandyrylady

Saıasat • Búgin, 08:25

Infeksııanyń taralý qarqyny tómendedi

Koronavırýs • Búgin, 08:05

Senimge serpin bergen málimdeme

Qoǵam • Búgin, 08:02

Alǵashqy vırtýaldy sot otyrysy

Saıasat • Búgin, 08:00

Ár azamat atsalysýy tıis

Rýhanııat • Búgin, 08:00

Koreıadan kelgen qyz

Rýhanııat • Búgin, 07:50

Irkilis bolmaıdy

Aımaqtar • Búgin, 07:45

Balalarymdy saǵynsam da...

Medısına • Búgin, 07:45

Qaýipti indetpen qalaı kúresýde?

Aımaqtar • Búgin, 07:45

Jemqorlyqpen kúres jalǵasyn tabýda

Saıasat • Búgin, 07:40

Apatpen oınamaıyq, oılanaıyq aǵaıyn...

Rýhanııat • Búgin, 07:40

Jeńildetilgen nesıe jetken joq

Ekonomıka • Búgin, 07:38

Kıdim kamzol

Rýhanııat • Búgin, 07:35

Daǵdarys daýylyna tosqaýyl

Ekonomıka • Búgin, 07:35

Fermerler ýaqytpen sanaspaıdy

Saıasat • Búgin, 07:35

Tótenshe toqsan

Qoǵam • Búgin, 07:30

El ekonomıkasy eleýsiz qalmaıdy

Saıasat • Búgin, 07:30

Sý tasqyny bastaldy

Aımaqtar • Búgin, 07:28

Jumys isteý úshin qajetti jabdyqtar

Aımaqtar • Búgin, 07:27

Halyqtyń birtutastyǵy

Tanym • Búgin, 07:16

Pálsapa – Bekzat sana

Rýhanııat • Búgin, 07:15

Daladaǵy dúbirge daıyn

Aımaqtar • Búgin, 07:15

Baǵany turaqtandyrýda oń nátıje bar

Ekonomıka • Búgin, 07:13

Uqsas jańalyqtar