Tanym • 25 Naýryz, 2020

Offlaın bilim beretin platformalar

53 retkórsetildi

Osyǵan deıin sizderge ınternettegi paıdaly derekkózderdi, ashyq ýnıversıtetter men tegin kýrstardy usyndyq. Biraq onyń barlyǵyna ınternet-tarıf kerek, ıaǵnı munyń barlyǵyn onlaın rejimde oqýǵa bolady. Sol aqparatttardy oqyǵan kezde ózińizde ınternettiń joq ekeni esińizge tústi me? Onyń da sheshimi bar. Bul – úıdegi offlaın bilim. 

 

Iá, karantın kezinde úıde jatyp onlaın ǵana emes, offlaın rejimde de bilim alýǵa bolady. BUU-nyń bilim, ǵylym jáne mádenıet jumystarymen aınalysatyn IýNESKO uıymy álemdegi ahýalǵa baılanysty problemany eskerip, qashyqtan oqýdyń birqatar sheshimin usyndy. Sonyń ishinde bizdi eleń etkizgeni – ınternetsiz de bilim alýǵa múmkindik beretin platformalar tizbegi boldy. Máselen, Ustad Mobile – smartfon, planshet jáne kompıýter sekildi kez kelgen qurylǵymen ınternetsiz qosylýǵa bolatyn senimdi, ashyq kózi bar mobıldi oqý baǵdarlamasy. Bastysy tirkelip alý kerek, sodan soń offlaın bolsańyz da vıktorınalar, mátinder, sýretter, aýdıo jáne beınelermen jumys isteıtin ınteraktıvti oqý mazmunyn ázirlep alýǵa múmkindik beredi.

Kalıfornııa shtatynyń Palo Alto qalasynda ornalasqan áleýmettik kásip­orynnyń Cell-Ed offlaın platformasy dál qazirgi ýaqytta úlken is atqaryp otyr deýge bolady. Atalǵan platformany qoldanýshylar ınternetke qosylmasa da, túrli qymbat abonenttik tarıfi bolmasa da ondaǵy sabaqtardy qalaǵan ýaqytynda, kez kelgen jerde tyńdap, túıgenin mátindik habarlama arqyly jazyp, sabaq júrgizýshimen tildese alady. Cell-Ed «Jumys kúshi», «Eresekterge arnalǵan bilim», «Densaýlyq saqtaý», «Halyqaralyq damý» atty 4 baǵytta bilim berýdi kózdeıdi. Alǵashqy baǵyty boıynsha ár túrli saladaǵy qyzmetkerler jumys isteýge qajetti qarapaıym daǵdylaryn damytsa, «Eresekterge arnalǵan bilim» arqyly aǵylshyn tilin jetildire alady. Osy baǵyttaǵy jumystyń nátıjesi kompanııa saıtynda: «Biz qoldanýshylardyń aǵylshyn tilin 10 paıyzdyq túsinýimen sabaq bastaıtynyn kórdik, al emtıhannan keıin 80 pa­ıyz nemese odan joǵary deńgeıge jetedi. Cell-ED – AQSh-ǵy barlyq aǵylshyn tilin saýattylyqqa úıretýdiń altyn standarty», dep kórsetilgen. Platformanyń bilim alýshylary «Densaýlyq saqtaý» bóli­mi boıynsha kádimgi aǵzadaǵy qanttyń mól­sherin ólsheýdi, alǵashqy kómek kór­setýdi úırene alsa, sońǵy baǵyt izdený­shini jańa urpaqqa teń quqyqty álem qurýyna senimdik syılap, múmkindik berýge baýlıdy.

Al offlaın rejimde ámbebap bilim berýge arnalǵan «Kolibri» qosymshasy qoldanýshysyna 10 túrli tilde kitaphana qoryn, oqý baǵdarlamalaryn, sabaqtar men baǵalaý sııaqty resmı bilim berý materıaldaryn jáne kitaptar, oıyndar, modeldeý sııaqty zertteý materıaldaryn usynady. «Kolibri» qosymshasyn ınterneti bar jerde júktep alsańyz bolǵany, qalǵan ýaqytta kez kelgen jerde offlaın qoljetimdi.

Beıresmı derekterge súıensek, álemde 4 mlrd-tan asa adam ınternetke qol jetkize almaı otyr. Demek, adamzattyń jartysynan kóbi sıfrly revolıýsııadan artta qalǵan. Sondyqtan bul platformalar men qosymshalar tótenshe jaǵdaı jarııalanǵan elder nemese karantınge jabylǵan qalalardyń halqyna, ásirese ınternet satyp alýǵa múmkindigi bolmaı jumyssyz, jalaqysyz qalǵan jandarǵa úlken kómek bolmaq.

 

P.S.: «Qazaq – qashanda Jaratqannan jaqsylyq dámetetin, tipti qaýip-qaterdiń de qaıyryn kútetin halyq. Búgingi urpaq jańa qater kezinde qorǵanýmen qatar ýaqytyn úzdiksiz bilim alýdy jemisti jalǵastyrýǵa, ózin jetildirýge arnaıtynyna senemiz.

 

Sońǵy jańalyqtar

Juma: Almatyda 28 indet oshaǵy karantınde tur

Ońtústik Qazaqstan • Keshe

Almatyda zerthanalar sany artady

Ońtústik Qazaqstan • Keshe

Uqsas jańalyqtar