Saǵattar syry

Murajaıdyń «Aýdan tarıhy» za­lynda ornalasqan osynaý jádi­ger­ler kelýshiler tarapynan erekshe qy­zy­ǵý­shylyq týdyrady.

Aıtalyq, myna bir saǵatty Sary­ke­mer aýylynyń turǵyny Aıtqul Mamyt­qululy mýzeı ashylǵanda syıǵa bergen. Erekshe úlgidegi saǵat­tyń bir betinde «Uly Otan soǵysynyń ardagerine» degen jazý bar. Kelesi be­tinde «Qazaqstan Prezı­denti» delingen jáne Elbasy Nursultan Ábishuly Nazarbaevtyń qoly qoıylǵan.

Mýzeıdegi «SSSR» saǵaty da erek­she kóz tartady. Oǵan qarap erterekte qoldanylǵan eski jádiger ekenin baıqaýǵa bolady. Saǵattyń materıaly aýyr temirden, aınasy bar qaqpaqtan turady, betinde búrkit beınelengen.

Taǵy bir tamasha týyndy – Abaı Qunanbaıulynyń 150 jyldyǵyna oraı daıyn­dalǵan merekelik qol sa­ǵa­ty. Ony murajaıǵa Ǵalııa Mol­dabae­va esim­di azamatsha tabystaǵan. Osydan 25 jyl buryn shyqqan saǵatta qazaq­tyń bas aqynynyń beınesi beıne­lenip, «150 jyl» dep jazylǵan.

Murajaıǵa jádiger retinde beril­gen ýaqytty kórsetetin erekshe úlgi­de­gi osyndaı árbir saǵattyń ózin­dik syry bar ári sonysymen de qundy.

Aıdana ShOTBASOVA,

Baızaq aýdandyq tarıhı-ólketaný mýzeıiniń qor saqtaýshysy

Jambyl oblysy