Sóıtip ol qurǵan qorǵa az ýaqyttyń ishinde birshama qarajat jınalady. Ol bul týraly búgin Instagram áleýmettik jelisindegi óz paraqshasynda bylaı dep jazdy:
"Al súıinshi!!! Iá, aınaldyrǵan 5 kúnde 825 apparattyń qarjysyn jınap tastadyq.. Ońaı bolǵan joq! Dáýlet Muqaev, Dınara Satjan úsheýmiz 24 saǵat telefonda otyryp jetken jetistigimiz osy boldy.. Kishkene kópshik qoıyp jiberseńizder 1000-ǵa jetkizip tastaýymyz múmkin... Já, qatty kúshenbeı-aq qoıaıyn.. Qaltaly azamattarǵa jalynyp jazdyq,óleńdetip jazdyq..Kimnen, qalaı jınaǵanymyzdy aıtyp mılaryńyzdy shiritpeı-aq qoıaıyn.. Kimniń qansha bergenin de aıtpaı-aq qoıaıyn.. Sebebi qara halyqtyń tıyndap bergeni qaltaly baıdyn mıllıonynan qundy ekenin bilesizder... 125 aparat Túrkııadan búgin jetedi..700 aparatty 10-15 kúnniń ishinde Qytaıdan alyp keletin boldyq... Densaýlyq saqtaý mınıstri Alexey Tsoy jetkizýge jáne taratýǵa kómektesetinin aıtyp qýantyp jatyr.."
Qazirgi kúni elimizde Aınurdyń bastamasyn ilip alyp ketip, shet elden jasandy ókpe jeldetkishi men basqa da medısınaldyq quraldar jetizý isimen shuǵyldanýshylar qarasy da baıqala bastady. Al bıznesmen Aıdyń Rahymbaev bolsa, óz kúshterimen Nur-Sultan, Almaty qalalarynan indetke shaldyqqan halyqty tegin emdeıtin emhanalar ashý isimen shuǵyldanýda.
Mundaı azamattyq bastamalar qysylǵan halqymyzǵa úlken sep ekendigi anyq.
Úkimet tarapynan osyndaı belsendi toptardyń áreketine qoldaý jasalýy tıis degen oıdamyz.
