Úkimet • 06 Tamyz, 2020

Tergeý bastaldy: tyqyr taıandy ma?

3818 ret kórsetildi

Memleket basshysy Qasym-Jomart Toqaev 10 shildede ótken Úkimettiń keńeıtilgen otyrysynda júıeli jumys istemeı jatqan salalardy qatań synǵa alǵan bolatyn. El damýyna tejeý bolǵan mundaı salalardyń sany bir emes, birnesheý. Onyń qatarynda elimizdiń densaýlyq saqtaý, bilim jáne ǵylym, sıfrly damý salalary da bar.

Prezıdenttiń baspasóz qyz­meti Týıtterdegi @AkordaPress resmı paraqshasynda Memleket bas­shysynyń Úkimettiń keńeı­tilgen otyrysynda sóılegen sóz­­derin de jarııalaǵan edi. «Daǵ­da­rys kezinde sıfrlandyrý qyz­metiniń de róli múlde baıqal­ǵan joq. Sıfrly komıssar­lar qan­daı jumys bitirip jatyr?» dedi Q.Toqaev. Arada on kún kún ótken soń 20 shildede Sıfrlyq damý, ınnovasııalar jáne aeroǵa­rysh ónerkásibi mı­nıstri Asqar Ju­ma­ǵalıev qyz­metinen bosatyldy.

Ertesine, 21 shildede Sybaı­las jemqorlyqqa qarsy is-qı­myl agent­tigi­niń 2020 jyl­dyń birin­shi jarty­jyldyǵy­nyń qory­tyndylary boıynsha alqa oty­rysy ótti. Onda osy vedomst­vo­nyń tóraǵasy Alık Shpek­baev elimizdegi eki birdeı mınıstr­liktiń qyz­met­­kerlerine qatysty tergeý amaldary bastalǵanyn jet­­kizdi. «Biz bıýdjet qara­ja­tyn jymqyrýǵa jol ber­meı, «Sıfr­­ly Qazaqstan» mem­leket­tik baǵdarlamasyn iske asyrý­ǵa barynsha den qoıýymyz qajet. Osy turǵyda qazir sıfr­lyq damý men Bilim jáne ǵylym mınıstr­likteriniń joǵary laýazymdy tulǵalaryna qatys­ty sıfr­landyrý boıynsha 2 qyl­mystyq is tergelip jat­qa­nyn aıtqym keledi», dedi vedomstvo basshysy.

Keıin Qarjy mınıstrli­giniń Qarjy monıtorıngi komıteti Densaýlyq saqtaý vıse-mı­nıstri Oljas Ábi­shev­tiń qa­maý­ǵa alyn­ǵanyn jet­kiz­di. Bul laýa­zym­dy tulǵa bıýd­jet qara­­ja­tyn jym­qyrdy de­gen kú­dik bar. «Bıýd­jet qa­ra­­ja­tyn jym­qyrdy degen kú­dik­­pen Den­saýlyq saqtaý vıse-mı­nıstri Oljas Ábishevti Eko­­­no­­mı­kalyq tergeý qyzmeti qa­maý­ǵa aldy», delinedi Qarjy monı­­torıngi komıtetiniń res­mı aq­pa­ratynda. Elorda soty­nyń bas­­pasóz qyzmeti taratqan má­li­met­ke sensek, vıse-mınıstr eki aı merzimge qamaýda ustalady.

 

Sońǵy jańalyqtar

Elik atqan brakoner ustaldy

Aımaqtar • Keshe

Bastaýdaǵy bereke

Aımaqtar • Keshe

Tutastyqtyń tuǵyr dińi

Aımaqtar • Keshe

"Damýmen" birge damıdy

Aımaqtar • Keshe

Eldiktiń jampoz jyrshysy

Rýhanııat • Keshe

Uqsas jańalyqtar