Aıta ketsek buǵan deıin ata-analar oqýshylardy dástúrli oqýǵa qaıtarý bastamasyn kóterip, Prezıdent pen Bilim jáne ǵylym mınıstrine petısııa jazǵan edi. «Biz, qazaqstandyq balalardyń ata-analary, oqýshylardyń Qazaqstan Respýblıkasy Konstıtýsııasynyń 30-babynda kórsetilgen orta bilim alý quqyǵy tolyq kólemde - kásibı muǵalimderdiń tikeleı qatysýymen barlyq pánder boıynsha qamtamasyz etilýin talap etemiz. Mekteptegi bilim kúndiz ári oqý ornynda bolýy kerek. Ony sıfrlyq sýrrogat almastyrmaýy kerek. Sıfrlyq tehnologııalardy tek qosymsha ádister retinde, erejelermen bekitilgen qatań shekteýli kólemde jáne tek erikti negizde paıdalanýǵa bolady", delingen petısııada.
Bilim jáne ǵylym mınıstrliginiń baspasóz hatshysy Gaýhar Omarbek bul petısııaǵa qatysty pikir bildirdi.
"Qazirgi ýaqytta bastaýysh synyp oqýshylary ata-analarynyń ótinishi boıynsha mektepterde oqı alady. Sondaı-aq, 3 myńǵa jýyq shaǵyn jınaqty mektep oqýshylary (ıaǵnı 1-11 synyp oqýshylar) dástúrli formatta oqyp jatyr. Qalǵan mektep oqýshylary úshin sanıtarlyq dárigerler dástúrli oqytý formatyna kezeń-kezeńmen kóshýge bolatynyn habarlaǵannan keıin ǵana, biz bul prosesti bastaı alamyz. Bas sanıtar dárigerdiń sheshimi shyqsa ǵana ár mekteptiń ákimshiligi tıisti keste jasaıdy jáne biz balalar men ata-analarǵa tıisti aqparatty jetkize alamyz", dedi ol.
