Sapar barysynda Úkimet Basshysy salynyp jatqan kólik ınfraqurylymnyń sapasyna qatysty syn-eskertpe aıtyp, "О́skemen - Taldyqorǵan" jolynyń jyl sońyna deıin iske qosylatynyn málimdedi. Iаǵnı, respýblıkalyq mańyzy bar kúre joldaǵy jumys qarqyny údeı túspek.
"Qaıta jańǵyrtý jumystary kólik qozǵalysy qaýipsizdigin arttyryp, eldi mekender men jolǵa jaqyn aýmaqtardyń ekologııalyq jaǵdaıyn jaqsartady, sol sııaqty jańa jumys oryndaryn asha otyryp, jol boıyndaǵy kórsetiletin qyzmetti damytýǵa yqpal etpek. Joldyń jalpy uzyndyǵy 768 shaqyrym bolatyn bóligindegi qozǵalysty osy jyldyń sońyna deıin iske qosý josparlanyp otyr", - dedi óz sózinde Premer-Mınıstr Asqar Mamın.
Al Almaty oblysynyń aýmaǵyndaǵy strategııalyq mańyzy bar avtojoldyń paıdalanýǵa berilýi óńirdegi kólik qatynasyn da jańa satyǵa kóteretini anyq. О́ıtkeni, qazir aımaqtyń shyǵysynda ornalasqan aýdandarmen aradaǵy barys-kelis syn kótermeıdi. Ásirese, oblys ortalyǵynan shalǵaıda jatqan Alakól aýdany, Sarqan aýdany men Aqsý aýdanynyń turǵyndary úshin qalaǵa qatynaý qıyn bolyp otyr. Sondaı-aq, kúre jol qurylysynyń aıaqtalýy aımaqtaǵy ishki joldardyń jaǵdaıyna jiti nazar aýdarý qajettigin de kún tártibine shyǵaratyny anyq. Jalpy, Jetisý joldarynyń sapasy elimizdiń kóp óńirine qaraǵanda kósh ilgeri. Iаǵnı, ishki qatynasty jaqsartýǵa oblys tarapynan jiti kóńil bólinip otyr.
Bıyldyqqa jergilikti mańyzdaǵy joldardyń sapasyn jaqsartý úshin 556 joba júzege asyrýy kerek. Osy maqsatqa 62,7 mlrdteńge qarastyrylǵan eken. Onyń ishinde respýblıkalyq bıýdjetten 12,9 mlrd teńge, jergilikti bıýdjetten 49,8 mlrd teńge jolsapasyn jaqsartýǵa baǵyttalýda. Qarjy kózi "Nurly jol" baǵdarlamasy men "Aýyl - el besigi" jobasy boıynsha jáne "Jumyspen qamtýdyń jol kartasy-2020" baǵdarlamasy aıasynda bólinip otyr. Sondaı-aq qarajattyń bir bóligi "О́ńirlerdi damytý" baǵdarlamasy sheńberinde ıgerilýde.
Osy jerde aımaqtaǵy jol sapasynyń jaqsarýyna "Nurly jol" memlekettik baǵdarlamasynyń oń áseri tıip otyrǵanyn aıtý kerek. Bıyl osy baǵdarlama boıynsha jergilikti mańyzdaǵy avtokólik jolynyń 326,3 shaqyrymyn qaıta jańǵyrtý men qurylysyn júrgizý josparlanǵan. Atap aıtqanda, 29 shaqyrymdy qaıta jańǵyrtýǵa 4 634,3 mln teńge, sonyń ishinde Balqash kóline deıingi 19 shaqyrym avtojolǵa 4 010,0 mln teńge, 4 km avtojol men 12 kópirdi kúrdeli jóndeýge 1 799,6 mln teńge, 293,3 km joldy ortasha jóndeýden ótkizýge 8 881,1 mln teńge baǵyttalǵan. Jalpy Almaty oblysynda 2025 jylǵa deıin "Nurly jol" baǵdarlamasy aıasynda 188,7 km jolǵa qurylys pen qaıta jańǵyrtý jumystaryn júrgizý, 120,2 km jol men 16 kópirdi kúrdeli jóndeý, oblystyq mańyzdaǵy 1 480 km avtokólik jolyna ortasha jóndeý júrgizý kózdelgen. Buǵan ketetin qarjy kólemi 148 511,9 mln teńge shamasynda eken.
Jergilikti joldardy jańǵyrtý men qaıta salý degende Jetisýda bastalǵan eki iri jobany sóz etpeı ketýge bolmas. Máselen, Almaty qalasy mańyndaǵy úlken aınalma joldyń qurylysy úshin 51 mlrd teńge qarjy bólý josparlanǵan. Joba boıynsha uzyndyǵy 36,4 shaqyrym bolatyn ishki joldar salynyp, oblystyń Ile, Talǵar, Qarasaı aýdandary aýmaǵynda jańa qozǵalys keshenderi iske qosylýy tıis. Al Taldyqorǵannan Balqash kóline deıingi 75 shaqyrym joldyń qurylysy aıaqtalyp, paıdalanýǵa berilgennen keıin aýyldar arasyndaǵy kólik qatynasynyń sapasy artyp qana qoımaı, óńirdiń týrıstik áleýeti artady degen senim bar. Qazir jol qurylysyna 18 mlrd teńge bólingen.
Jalpy, atqarylǵan sharalardyń nátıjesinde oblystyń ishki joldarynyń sapasy 99 paıyzǵa deıin «jaqsy jáne qanaǵattanarlyq» jaǵdaıyna jetedi degen boljam bar. Jol sapasy demekshi, Indýstrııa jáne ınnovasııalyq damý mınıstrligi Avtomobıl joldary komıtetiniń Jol aktıvteri ulttyq sapa ortalyǵy elimizdegi jol qurylysy, qaıta jańartý jáne jóndeý jumystaryna saraptama jasaıtyny belgili. Osy ortalyqtyń Almaty oblysyndaǵy fılıalynyń mamandary jyldyń alty aıynda respýblıkalyq mańyzy bar avtomobıl joldaryna 3732 ınspeksııalyq tekserý, al jergilikti jol jelisine 1915 tekserý jasapty. Nátıjesinde mamandar jol salýda jibergen 3,9 myń olqylyqty anyqtaǵan.
"Bıyl "Nurly jol" baǵdarlamasynyń 2020-2025 jyldarǵa arnalǵan jańa kezeńi bastaldy. Jospar boıynsha elimizde 9,8 myń shaqyrymǵa jetetin avtokólik jolyna jóndeý jumystary júrgizilmek. Jyl sońyna deıin 2,6 myń shaqyrym joldy halyq ıgiligine tapsyrý mindeti tur. Al "Nurly jol" baǵdarlamasy boıynsha bólingen qarjyǵa Almaty oblysynan 18 joba engizildi. Qazirdiń ózinde 5 baǵyttaǵy jol qurylysynyń qarqyny aıtarlyqtaı. Bulardyń qatarynda "Taldyqorǵan – О́skemen", "Kúrti – Býrylbaıtal", "Uzynaǵash – Otar", "Qapshaǵaı – Kúrti", "Úsharal – Dostyq" avtojoldary bar", - deıdi "Jol aktıvteri ulttyq sapa ortalyǵy" Almaty oblystyq fılıaly dırektorynyń mindetin atqaýshy Ǵalııa Asanova.
