Tarıh • 18 Qyrkúıek, 2020

BQO-da iz-tússiz ketken 17 jaýyngerdiń súıegi tabyldy

844 ret kórsetildi

1-15 qyrkúıek aralyǵynda ótken izdeý jumystary barysynda №372 jáne №365 jol aıryǵynda (Saıqyn aýyly, Bókeı ordasy aýdany, Batys Qazaqstan oblysy) iz-tússiz ketken bolyp eseptelgen 17 jaýyngerdiń súıegi tabyldy, dep habarlaıdy Egemen.kz

"Astrahan-Saratov temir joly boıynda baýyrlastar zıraty bar. Iz-tússiz ketken jaýyngerlerdiń súıekteri áli de sol jaqta jatyr. Sol sebepten «Atamnyn Amanaty» qoǵamdyq birlestigi izdeý jumystaryn ótkizý týraly sheshim qabyldady. Bul biz uıymdastyryp otyrǵan alǵashqy izdeý jumystary. Batys Qazaqstan oblysynyń ákimdigimen kelissózder júrgizilip, izdeý jasaǵyna qajetti qarjylaı qoldaý kórsetildi. Qazba jumystary 1 qyrkúıek kúni bastaldy. Bolashaqta osy baǵyttaǵy sharalardy taǵy uıymdastyramyz dep josparlap otyrmyz", deıdi "Atamnyn Amanaty" qoǵamdyq birlestiginiń basqarma tóraǵasy Murat Moldaǵalıev.

"Atamnyn Amanaty" qoǵamdyq birlestigi uıymdastyrǵan izdeý jumystary Keńes Odaǵynyń batyry Mánshúk Mámetova atyndaǵy izdeý jasaǵymen birlese otyryp jasaldy. Soldattardyń súıekteri tabylǵan soń qoǵamdyq birlestiktiń izdeýshisi muraǵattardan qaza bolǵandardyń tizimderin tapqan. Ol tizimde jaýyngerlerdiń aty-jóni, týǵan jyly jáne maıdanǵa attanǵan jeri jazylǵan. Sol tizimder boıynsha Atamnyn Amanaty» qoǵamdyq birlestigi soldattardyń týystaryn izdeý sharalaryn ótkizedi. Tizimge sáıkes jaýyngerler Reseı, Ýkraına, Belarýs jáne Tatarstannan bolǵan.

"Eń aldymen №365 jol aıryǵynda bir soldattyń súıegi tabyldy. Boljam boıynsha ol aǵa serjant nemese starshına bolǵan. Ol áskerı formanyń fragmentterinde kestelengen juldyz boıynsha belgili boldy. Ol Tynyq muhıty flotynyń teńiz jaıaý áskeri boldy dep aıtýǵa bolady, sebebi bul soldat týraly aqparat Tynyq muhıty flotynyń tizimderinde bar. Kelesi kúnderi №372 jol aıryǵynda taǵy atqyshtar artıllerııalyq brıgadasynyń 16 soldattyń súıekteri tabyldy. Boljam boıynsha, olardyń ekeýi komandır bolǵan. Muraǵattan izdep tabylǵan aqparat boıynsha jaýyngerler Stalıngrad jaqqa qaraı bara jatqan. Bul týraly aqparat jaýǵa belgili bolyp, jaý avıasııasynyń shabýyly jasalady", deıdi "Atamnyn Amanaty" qoǵamdyq birlestiginiń izdeýshisi Sergeı Fedorenko

Sońǵy jańalyqtar

Namysyn tý etken

Rýhanııat • Búgin, 20:00

"Qazfosfat" ónim eksportyn ulǵaıtýda

Ekonomıka • Búgin, 18:37

29 qazanda Senat otyrysy ótedi

Parlament • Búgin, 17:57

Qyzylordada sala úzdikteri marapattaldy

Aımaqtar • Búgin, 17:41

Qyzylordada ınternet alaıaq ustaldy

Qoǵam • Búgin, 17:15

Hosep Bartomeý otstavkaǵa ketti

Sport • Búgin, 17:07

Elordaǵa qarjy quıýǵa nıetti

Elorda • Búgin, 16:50

Shymbulaqqa aparar jol ońtaılandyryldy

Ekologııa • Búgin, 15:55

Qostanaıda elik atqan brakonerler ustaldy

Aımaqtar • Búgin, 15:05

29-31 qazan kúnderi kún jylynady

Aýa raıy • Búgin, 12:40

Shymkentte "Qazyǵurt" mádenıet úıi qaıta jandanady

Ońtústik Qazaqstan • Búgin, 12:30

Prezıdent Ahmetjan Esimovti qabyldady

Prezıdent • Búgin, 12:01

Jańa Almaty qalaı abattandyrylýda?

Aımaqtar • Búgin, 11:35

Ulytaýda uıadaı qonaq úı ashyldy

Aımaqtar • Búgin, 11:15

Atyraýda stýdentter jataqhanasy órtendi

Aımaqtar • Búgin, 11:05

Uqsas jańalyqtar