Kollajdy jasaǵan Záýresh SMAǴUL, «EQ»
* * *
Fýtboldy erekshe jaqsy kórdi. Árqashan qaqpashy bolatyn.
* * *
О́mir boıy temekige qatty qumar bolǵan. Tipti mysyǵyn «Sıgaret» dep atapty.
* * *
Júgeri botqasyn súıip jeıtin.
* * *
Alber Kamıý shyǵarmalaryn turyp jazady eken. Bul qatarda Ernest Hemıngýeı, Vladımır Nabokov pen Vırdjınııa Výlf ta bar.
* * *
О́z betimen «Teatr komandasyn» qurǵan. Onda Dostoevskııdiń «Aǵaıyndy Karamazovtaryn» qoıyp, ózi Ivan Karamazovtyń rólinde oınapty.
* * *
1946 jyly Nıý-Iorkke saparynda ol Ortalyq zooparkqa jıyrma ret barady. Avtordyń jan-janýarǵa qyzyǵýshylyǵyn osydan-aq baıqaýǵa bolar, sirá.
* * *
Jazýshy jol apatynan 46 jasynda qaıtys boldy.
Vladımır Maıakovskıı
Qandaı da bir aýrý, bakterııa, mıkrobtardan erekshe saqtanatyn. Sol úshin sabyn salǵyshyn árqashan ózimen birge alyp júripti.
* * *
Bılıard pen karta oıyndaryn qatty jaqsy kórgen.
* * *
Bar ǵumyrynda úsh ret qamaýǵa alyndy.
* * *
Birneshe fılmde oınaǵan.
* * *
Muqtaj qarııa kisilerge árqashan aqsha beretin.
* * *
Itti óte qatty jaqsy kórdi. Saıahattaýdy da unatqan.
* * *
Maıakovskıı ádette óleńdi jaıaý júrip shyǵaratyn. Keıde jańa uıqas tabý úshin 15-20 km jol júrýge týra kelipti.
Iogann Gete
Álem ádebıetine «Faýsty» syılaǵan avtor sarymsaqtyń ıisine hám temekiniń tútinine shydamaıtyn bolǵan. Sondaı-aq ıttiń úrgenin de jek kóripti.
* * *
О́zine unamaıtyn adamdarǵa kózildirikpen qaraıtyn.
* * *
Gete shegirgúldiń (fıalka) hosh ıisin jaqsy kórgeni sonshalyq ár saparynda túrli sorttaryn satyp ákelipti. Ol gúlderdi óz úıinde ǵana emes, Veımardyń kóp jerlerinde ósirgen. Sondyqtan da bul qala «gúlder qalasy» degen mártebege ıe bolypty. Qazirgi tańda da Germanııada shegirgúldi «Geteniń gúlderi» dep ataıdy eken.
Pýshkın hám «Evgenıı Onegın»
«Evgenıı Onegın» jeti jyl, tórt aı, on jeti kúnde jazylǵan.
* * *
Alǵashqy bólimderinde jas Pýshkınniń aınalasyndaǵy tanys adamdar keıipker bolypty. Negizinen, olar teatr ártisteri edi.
* * *
Birde kartadan utylǵan Pýshkın aqshasyn qaıtaryp alý úshin «Evgenıı Onegınniń» besinshi taraýynyń qoljazbasyn tigedi. Jeńiledi de qoljazbany Zagrajskıı utyp alady. Sonda Aleksandr Sergeevıch konǵa bir qorap dýel tapanshalaryn qoıypty. Sóıtip, «Onegındi» qaıtaryp alady.
* * *
Dantespen sońǵy dýel Onegın men Lenskııdiń oqıǵasyna uqsas. Alaıda Pýshkın óziniń ólimin dál boljady: Dantes Onegın sekildi tosqaýylǵa jetpeı atyp tastady. Al Pýshkın Lenskıı sııaqty endi nysanany kózdep jatqan edi. Taǵy bir uqsastyq: Onegın men Dantes sol kezde 25 jasta bolatyn.
* * *
Aqyn áý basta Onegındi Kavkazǵa soǵysýǵa jiberýdi, ıakı ony dekabrıstke aınaldyrýdy oılapty. Biraq sońynda shyǵarmanyń túıinin oqyrman erkine qaldyrýdy jón sanaǵan.
Ivan Býnın
Jaqsy fızıkalyq daıyndyǵynyń hám ymdaý óneriniń baılyǵynyń arqasynda jazýshy akter bola aldy. Oǵan K.S.Stanıslavskııdiń ózi Gamlettiń rólin usynǵan.
* * *
Býnın dári-dármekterdiń qorapshalary men ydystaryn jınaýǵa, sondaı-aq ol adamnyń jelkesi men aıaq qoldaryna qarap bet beınesin anyqtaýǵa qyzyqty.
* * *
Ol óte kúmánshil jáne yrymshyl adam bolypty. On úshinshi qatardaǵy ústelge tap kelse, otyrmaǵan hám «f» árpine ırrasıonaldy unamsyzdyqty sezinetin.
* * *
Býnın – KSRO-daǵy alǵash basylǵan emıgrant qalamger.
Mıhaıl Býlgakov
О́zi barǵan teatr, konsert bıletteriniń kolleksııasyn jınady.
* * *
Avtor arnaıy bir albomǵa shyǵarmalary týraly, ásirese pesalary haqyndaǵy synı maqalalardy jınap saqtaǵan. Jarııalanǵan resenzııalardyń ishinde, Býlgakovtyń sanaýy boıynsha 298 maqala avtor týyndylaryn teriske shyǵarsa, tek 3 maqala ǵana jaqsy jaǵynan baǵalaǵan.
* * *
Jazý ústeliniń janynda eski oıylǵan sýret ilinip turatyn. Onda ómir baspaldaqtary beınelenegen.
* * *
Segiz jasynda alǵash ret «Parıj Qudaı anasynyń soboryn» («Sobor Parıjskoı Bogomaterı») oqyp, ómiriniń sońyna deıin sanasynda jattalyp qalypty.
* * *
Birinshi dúnıejúzilik soǵysqa qatysqan.
* * *
Jazýshy úıinde shynymen Begemot asyraǵan. Biraq ol ıt bolatyn.
* * *
Býlgakov bıliktiń 9 ret aýysqanyna kýá boldy.
