Qujatta bizdiń elimizben sharttardyń talaptaryn oryndamaı kele jatqan tarapqa qatysty Qazaqstannyń qarsy sharalar qabyldaý tetikteri aıqyndaldy. Sonymen qatar, eger shartqa basqa qatysýshylar óz mindettemelerin oryndamasa da ondaı halyqaralyq shartty nemese onyń jeke normalarynyń qoldanylýyn toqtata turýǵa bolady.
Senat Tóraǵasy Máýlen Áshimbaevtyń aıtýynsha, aldaǵy ýaqytta bul Zań memleketimizdiń ulttyq múddelerin qorǵaýdy kúsheıtýge kómektesetin bolady.
«Búgin qabyldanǵan zań halyqaralyq deńgeıde ulttyq múddelerimizdi qorǵaýǵa qosymsha múmkindikter beredi. Budan bylaı, halyqaralyq kelisimniń ekinshi taraby óz mindettemelerin oryndamaǵan nemese tıisinshe oryndamaǵan jaǵdaıda Qazaqstan tarapynan jaýap sharalaryn qabyldaýǵa jol ashylady. Osy maqsatta qujatta halyqaralyq sharttardyń nemese olardyń jekelegen erejeleriniń oryndalýyn toqtata turý týraly normalar qarastyrylǵan», - dep atap ótti Máýlen Áshimbaev.
Mundaı normalar "Qazaqstan Respýblıkasynyń halyqaralyq sharttary týraly" Qazaqstan Respýblıkasynyń Zańyna ózgerister men tolyqtyrýlar engizý týraly" zańda jazylǵan.
