Onda jurtshylyqqa elimizdiń orman qorynda 5 jyl ishinde 2 mlrd aǵash otyrǵyzý boıynsha jobany iske asyrý barysy týraly habardar etildi. Bul aýqymdy joba Memleket basshysy Qasym-Jomart Toqaevtyń tapsyrmasy boıynsha júzege asyrylýda.
Jobany iske asyrý sheńberinde QR EGTRM oblystardyń ákimdikterimen birlesip 2021-2025 jyldarǵa arnalǵan ormandardy molyqtyrý men orman ósirýdiń keshendi josparlaryn ázirledi.
Osyndaı keshendi josparlar tabıǵatty qorǵaý mekemeleri men OShJDK vedomstvolyq baǵynysty uıymdarynda ázirlendi.
Josparda oblys ákimdikteriniń, erekshe qorǵalatyn tabıǵı aýmaqtardyń, orman paıdalanýshylardyń, halyqaralyq donorlardyń, tabıǵat paıdalanýshylardyń jáne ózge de bastamashyl toptardyń kúshimen orman otyrǵyzý kózdelgen.
Ormandardy molyqtyrý men orman ósirý jónindegi is-sharalar, onyń ishinde oblystar boıynsha aǵash otyrǵyzý kólemderi ǵylymı usynymdar men orman ósirý talaptaryna sáıkes josparlanǵanyn atap ótken jón.
2 mlrd aǵashtyń ishinde Sekseýil (shamamen 610 mln dana), qaraǵaı (555 mln danadan astam), úıeńki (193 mmln danadan astam), shegirshin (132 mln danadan astam), qaıyń (100 mln danadan astam) jáne basqa da tuqymdar otyrǵyzý josparlanýda.
Aǵashtardyń basym bóligin ákimdikterdiń kúshimen (1 539,7 mln.dana) otyrǵyzý josparlanýda, orman paıdalanýshylar men halyqaralyq donorlardyń úlesine tıisinshe 208,5 mln dana, KLHJM vedomstvolyq baǵynysty uıymdarynyń úlesine – 251,8 mln dana aǵash keledi.
Jobany qarjylandyrý úshin 5 jyl ishinde respýblıkalyq bıýdjetten 22,4 mlrd teńge, jergilikti bıýdjetterden 60 mlrd teńge bólýdi talap etedi.
Brıfıng barysynda spıker elimizdiń orman qoryn tıimdi qorǵaýǵa jáne damytýǵa yqpal etetin jańa jobany iske asyrý týraly habarlady.
Qazirgi ýaqytta orman ekpelerin otyrǵyzý monıtorıngi jáne baqylaý boıynsha ınteraktıvti karta qurý máselesi pysyqtalýda.
Búgingi tańda orman órtterin, orman qoryndaǵy zańsyz aǵash kesý men qurylystardy baqylaý platformasy jumys isteıdi. Onyń aıasynda ınteraktıvti kartany engizý josparlanǵan.
Bul karta kelesideı múmkindikter beredi:
- orman alqaptarynyń sıfrlyq kartalary negizinde orman mekemeleriniń oramdyq jelisine baılanystyra otyryp, qurylǵan orman ekpeleriniń ýchaskeleri, alańdary jáne tuqymdyq quramyn anyqtaýǵa;
- 5 jyldyq kezeńge arnalǵan yqtımal orman otyrǵyzý ýchaskelerin baqylaýǵa.
Interaktıvti kartaǵa, onyń ishinde mobıldi qurylǵylar arqyly táýlik boıy qol jetkizý múmkindigi kózdeletin bolady.
Bul joba Qarjy mınıstrligi tarapynan qoldaý taýyp otyr.
