Maýsymnyń aıaǵynan bastap Aýstralııanyń eń úlken qalasy delta shtamyna baılanysty qatań lokdaýnda otyr. Bıyl Sıdneıdegi eń kúrdeli kezeńde 2500-den astam adam vırýs juqtyrdy. Premer-mınıstr Gledıs Berejıklıan karantınniń josparlanǵandaı, jumada aıaqtalmaıtynyn málimdedi. Qaıta qaýipsizdik sharalary qatańdaı tústi. Endi dúkenge barý úshin 10 km-den artyq júrýge bolmaıdy.
Vıktorııa men Ońtústik Aýstralııa aımaǵy sársenbide indet juqtyrǵandar sany azaıǵannan keıin karantınnen shyqty. Alaıda Sıdneı úshin bul múmkin bolmaı tur. Qalanyń bes mıllıon turǵyny osyǵan deıin qalypty ómir saltyn júrgizgen edi.
Pandemııa kezinde Aýstralııa shekarasyn jaýyp, kelgen jolaýshylardy karantınde ustap, indettiń órshýine jol bermegen. Alaıda vırýstyń jańa shtamy taraǵan kezde shtat basshylary indetpen kúresý úshin qatań sharalardy birden engizýge májbúr boldy.
Sarapshylar Sıdneıdegi shekteýler qyrkúıekke deıin nemese odan ári de jalǵasýy múmkin degen boljam aıtyp otyr. El bıligi naýqastar sany nólge jaqyndaǵanda ǵana qaıta ashylamyz deıdi. Mundaı erkindikti shekteıtin sharalarǵa qarsy bolǵan birneshe myń adam demalys kúnderi Sıdneı, Melbýrn jáne basqa qalalarda narazylyq sherýlerin ótkizdi.
