«Maǵan Almaty qalasynyń turǵyny Asyl Torǵaı júgindi. Ol er adamnyń balaǵa qol kótergeni túsirilgen vıdeo jiberdi. Biz óz tekserýimizdi júrgizip, quqyq buzýshyny anyqtadyq. Ol 1966 jyly týǵan A. esimdi azamat bolyp shyqty. Atalǵan derek boıynsha 1987 jyly týǵan G. esimdi azamatshadan aryz tústi. Ol joǵaryda atalǵan adamnyń qylyǵyna shara qoldanýdy surady», dep jazdy Facebook-te Almaty polısııa departamenti bastyǵynyń tergeý jumysy jónindegi orynbasary Rýstam Abdrahmanov.
Oqıǵa birinshi qyrkúıekte oryn alǵan. Saǵat 18:00 shamasynda kireberistiń aldyńǵy esiginde er adam 10 jasar balany uryp, dene jaraqatyn tıgizdi.
«Oqıǵanyń mán-jaıyn zertteý maqsatynda is Áýezov aýdandyq PB JPQB qyzmetkerlerine tapsyryldy. Quqyq buzýshy jaýapqa tartylady», dedi Ábdirahmanov.
