Ol «Býharest» saıabaǵynda ornatyldy. Eskertkishtiń ashylý rásimine Rýmynııanyń Qazaqstandaǵy elshiligi men ákimdik ókilderi qatysty. Aıta keteıik, osyǵan deıin eki eldiń ákimdikteri yntymaqtastyq týraly memorandýmǵa qol qoıǵan.
«Búgingi shara - Memleket basshysynyń halyqaralyq bastamalary jańa deńgeıde júzege asyrylyp jatqanynyń kórinisi. Byltyr biz Nur-Sultan men Býharest arasynda aýdandyq deńgeıde memorandýmǵa qol qoıdyq. Sonyń aıasynda mádenı, sporttyq jáne tehnologııalyq qarym-qatynas salasynda yntymaqtastyq ornatýǵa kelistik. Máselen, ótken jyly Býharest qalasynda Uly Abaıdyń músini qoıylsa, endi myna saıabaqqa «Býharest» ataýyn berip otyrmyz», dedi Nur-Sultan qalasy Esil aýdanynyń ákimi Berik Jakenov.
Elimizde eskertkish ashylǵan ýaqytta Rýmynııa astanasy Býhareste «Qazaqstan» dep atalatyn saıabaq ashyldy. Shara tikeleı efırde kórsetildi. Oǵan Rýmynııa senatynyń tóraǵasy men eldiń burynǵy prezıdenti qatysty.
