Buǵan qosa, Mınıstr Ekibastuz GRES-1-de birinshi energııa blogyn qalpyna keltirý jáne Ekibastuz GRES-2-de úshinshi energııa blogyn salý jáne Pavlodar oblysynyń stansııalarynda jóndeý jumystaryn júrgizý jobalaryn iske asyrý barysymen tanysty.
Ekibastuz GRES-1 energııa blogyn, sondaı-aq Aqsý GRES-indegi týrboagregat pen qazandyq agregatty jóndeý júzege asyrylǵannan keıin jelige qosý boıynsha daıyndyq jumystary aıaqtalýda. Ulttyq elektr jelisine engiziletin jıyntyq qýat 650 MVt quraıdy. Qarasha aıynyń sońyna qaraı Ekibastuz GRES-2-degi energııa blogyn jóndeý aıaqtalady dep kútilýde, bul eldiń energııa júıesine taǵy 500 MVt qosady.
Mınıstr bul jumystardy 10 kún ishinde aıaqtap, energobloktardy iske qosýdy tapsyrdy. Osylaısha, eldiń energııa júıesi taǵy da 1150 MVt elektr energııasyna ulǵaıatyn bolady.
Keńes qorytyndysy boıynsha Mınıstr birqatar tapsyrmalar berdi.
Energııa óndirýshi uıymdarǵa:
- jóndeýdegi jabdyqtardy ýaqtyly engizý boıynsha barlyq qajetti sharalardy qabyldaý tapsyryldy. Bul rette jóndeý sapasynyń tómendeýine jol bermeý kerek;
- 2022 jyly generasııalaıtyn jabdyqty jospardan tys ajyratý táýekelin boldyrmaý úshin jazǵy jóndeý naýqanyn júzege asyrýdy josparlaý boıynsha máseleni Júıelik operatormen pysyqtaýdy bastaý tapsyryldy.
Júıelik operatorǵa («KEGOC» AQ) boljamdy teńgerimdi ázirleýshilermen birlesip, Qazaqstan Respýblıkasynyń 2035 jylǵa deıingi energetıkalyq teńgeriminiń qorytyndy nusqasyn 15 qarashadan keshiktirmeı Energetıka mınıstrligine engizý jóninde tapsyrma berildi.
