Qazaqstanda Indýstrııa jáne ınfraqurylymdyq damý mınıstriniń 2021 jylǵy 23 qarashadaǵy №611 buıryǵymen otandyq aǵash óńdeý kásiporyndaryn qoldaý, ishki naryqty shıkizatpen tolyqtyrý jáne Qazaqstannyń orman qoryn saqtaý úshin keıinnen merzimin uzarta otyryp, el aýmaǵynan alty aı merzimge aǵash materıaldaryn (Eýrazııalyq ekonomıkalyq odaqtyń Syrtqy ekonomıkalyq qyzmetinen taýar nomenklatýrasynyń kody 4401, 4403, 4404, 4406 jáne 4407) áketýge tyıym salý engizý týraly sheshim qabyldandy.
Qazaqstan aýmaǵy az ormandy bolyp tabylady(el aýmaǵynyń 11% ormanmen jabylǵan (13,3 mln.ga), onyń 4,9% ormandylyǵy quraıdy). О́ńdelmegen aǵash materıaldarynyń Qazaqstanǵa negizgi jetkizý Reseı Federasııasynan júzege asyrylady.
Osy normatıvtik quqyqtyq aktini qabyldaý reseılik óńdelmegen aǵash materıaldaryn (domalaq aǵash) Qazaqstan aýmaǵynan áketýge de tyıym salady.
Buıryqty qabyldaý kezinde normatıvtik-quqyqtyq aktilerdi qabyldaýdyń barlyq erejeleri saqtaldy:
- Buıryq jobasy syrtqy saýda saıasaty jáne halyqaralyq ekonomıkalyq uıymdarǵa qatysý máseleleri jónindegi vedomstvoaralyq komıssııanyń qaraýyna shyǵaryldy;
- múddeli organdar men uıymdarǵa kelisý úshin jiberildi;
- akkredıttelgen uıymdarmen kelisildi;
- NQA ashyq portalynda jarııalandy;
- qoǵamdyq keńestiń oń qorytyndysy alyndy.
