Qazaqstannyń basym bóliginde aýa raıy jaýyn-shashynsyz bolady desek te, keıbir aýmaqta qar japalaqtap jaýady.
«Elimizdiń shyǵysynda, ońtústik-shyǵysynda jáne Qaraǵandy oblysynyń shyǵysynda qar jaýady. Túnde Shyǵys Qazaqstan oblysynyń soltústik-shyǵysynda qatty qar jaýady. Respýblıka boıynsha keı jerlerde tuman, kóktaıǵaq, jeldiń kúsheıýi kútiledi, elimizdiń shyǵysy men ortalyǵynda boran soǵady», dep jazady «Qazgıdromet» RMK.
Aqmola oblysynyń soltústik-batysynda, shyǵysynda jáne ortalyǵynda tuman kútiledi.
Batys Qazaqstan, Atyraý, Mańǵystaý oblystarynyń soltústiginde tuman, ońtústik-batysta jeldiń jyldamdyǵy 15-22 m/s, Mańǵystaý oblysynda shańdy daýyl kútiledi.
Qostanaı oblysynyń soltústiginde, Soltústik Qazaqstan oblysynyń ońtústik-shyǵysynda, Almaty oblysynyń soltústik-shyǵysynda jáne ońtústiginde tuman kútiledi.
Qyzylorda oblysynyń soltústiginde, Túrkistan oblysynyń ońtústiginde jáne taýly aýdandarynda tuman kútiledi, kúndiz Qyzylorda oblysynyń ortalyǵynda, Túrkistan oblysynyń soltústiginde jáne taýly aýdandarynda jel 15-20 m/s kúsheıedi, Túrkistan oblysynyń soltústiginde shańdy daýyl bolady.
Qaraǵandy oblysynyń shyǵysynda kóktaıǵaq, burqasyn, soltústik pen shyǵysta tuman kútiledi.
Shyǵys Qazaqstan oblysynyń soltústik jartysynda tuman, kóktaıǵaq, burqasyn kútiledi, jel 15-20 m/s deıin kúsheıedi.
Jambyl oblysynyń soltústiginde, taýly jáne taý bókterinde tuman túsip, kóktaıǵaq bolady, taýly aýdandarda jel 15-20 m/s deıin kúsheıedi.
