Oblystyq sanıtarııalyq-epıdemıologııalyq baqylaý departamenti basshysynyń orynbasary Álııa Bekeshovanyń aıtýynsha, óńirde tamaqtan ýlaný deregi jyl basynan beri alǵash ret tirkelgen.
«Keshe oblystyq ınfeksııalyq aýrýhanaǵa 7 adam ýlaný dıagnozymen tirkeldi. Al, búgin taǵy 2 jaǵdaı anyqtalyp otyr. Oqıǵa S. Datov kóshesinde ornalasqan jeke menshik «Afisha» dúńgirsheginde bolǵan. Zardap shegýshiler tez taǵam daıyndaý ornynan qus etinen jasalǵan doner jegen. Osy oqıǵaǵa baılanysty Atyraý qalalyq polısııa basqarmasynyń qyzmetkerleri tergeý amaldaryn júrgizip jatyr. Qazir tıisti saraptamalar taǵaıyndaldy. Dúńgirshek jumysyn ýaqytsha toqtatty. Al, zardap shegýler dárigerlerdiń jiti qadaǵalaýyna alyndy», dedi Álııa Bekeshova.
Departament basshynyń orynbasary Gúlnaz Irbatyrovanyń aıtýynsha, kóktem-jaz aılarynda jedel ishek ınfeksııasy aýrýynyń qaýpi artady.
«Makınsk qus fabrıkasy» JShS-niń broıler-balapan etinen adam ómirine qaýip tóndiretin bakterıologııalyq kórsetkishi tabyldy. Osyǵan baılanysty iri kásipkerlik sýbektisi – «Metro Kesh end Kerrı» JShS-ǵa jospardan tys tekserý taǵaıyndaldy. Tekserý kezinde ónim sapasynyń talapqa sáıkes emestigi anyqtalyp, satylymdaǵy 1 tonna 597,65 keli broıler taýyq etin joıý týraly sanıtarlyq-epıdemıologııalyq nusqama berilgen bolatyn», dedi basqarma ókildigi.
