«Prezıdent ákimshiligimen kelise otyryp, Abaı oblysynyń ákimi Nurlan Uranhaevtyń 2022 jylǵy 20 shildedegi ókimi boıynsha Baıbekov Shalqar Zamanbekuly ákimniń orynbasary bolyp taǵaıyndaldy», delingen habarlamada.
Shalqar Baıbekov 1967 jyly Semeı oblysy Abaı aýdanynda dúnıege kelgen. 1996 jyly Qazaqstan memlekettik basqarý akademııasyn ekonomıst mamandyǵy boıynsha, keıin Qazaqstan memlekettik zań akademııasyn zańger mamandyǵy boıynsha bitirgen.
Eńbek jolyn 1988 jyly Semeı oblysy Jańasemeı aýdandyq Memlekettik saqtandyrý ınspeksııasynyń aǵa ınspektory bolyp bastaǵan.
1988-1999 jyldary - Semeı qalasy jáne Semeı oblysy boıynsha salyq ınspeksııasynyń bas memlekettik ınspektory, bólim bastyǵy, bastyǵynyń birinshi orynbasary.
1999-2014 jyldary Pavlodar qalasy boıynsha salyq komıtetiniń tóraǵasy, Astana qalasy boıynsha salyq komıteti tóraǵa orynbasary, Nur-Sultannyń Almaty aýdany, Qaraǵandy oblysy jáne Nur-Sultannyń Esil aýdany boıynsha salyq komıtetiniń tóraǵasy qyzmetterin atqarǵan.
2014-2017 jyldary - Prezıdent Ákimshiliginiń Memlekettik baqylaý jáne uıymdastyrý-aýmaqtyq jumys bóliminiń memlekettik ınspektory.
2017-2019 jyldary - Shyǵys Qazaqstan oblysy ákiminiń orynbasary.
2019-2021 jyldary - Shyǵys Qazaqstan oblysy Besqaraǵaı aýdanynyń ákimi.
