BQO densaýlyq saqtaý basqarmasynyń málimetinshe, oqıǵa búgin tańǵy saǵat 07.50-de Aqjaıyq aýdany aýmaǵynda boldy.
«Oral-Atyraý jolynda Taıpaq aýyly tusynda júrgizýshi rýlge ıe bola almaı, avtokólik aýdarylǵan. Saldarynan 2013 jylǵy bala oqıǵa ornynda kóz jumdy. Kólik júrgizýshisi medısınalyq kómekten bas tartty. Jol apatynan taǵy eki adam zardap shekti. Aldyn ala málimet boıynsha 1976 jylǵy áıel bas pen mıdyń jabyq jaraqatyn alyp, mıy shaıqalǵan, sol aıaǵy jyrylǵan. 1996 jylǵy qyz da bas pen mıdyń jabyq jaraqatyn alyp, mıy shaıqalǵan, oǵan qosa jumsaq tinderi kógergen», dep habarlady vedomstvodan.
