Halqymyzdyń ónegesi men otbasy qundylyqtaryn nasıhattaý, otbasy mártebesin arttyrý maqsatynda «Mereıli otbasy» ulttyq konkýrsy jyl saıyn ótkiziledi. Baqytty otbasy, onyń qoǵamdaǵy zor mártebesi – el bolashaǵynyń aıqyn kórinisi.
«Mereıli otbasy» ulttyq konkýrsy otbasyna arnalǵan jáne onyń basty maqsaty – otbasy ınstıtýtyn nyǵaıtý jáne otbasylyq qundylyqtardy ilgeriletý.
Otbasy – bul adamnyń tynysh, senimdi aılaǵy ǵana emes, sonymen birge memlekettiń, qoǵamnyń turaqty damýynyń negizi.
«Mereıli otbasy» ulttyq baıqaýy búginde ıgi dástúrge aınaldy. Jyldan jylǵa baıqaýǵa qatysqysy keletin otbasylar sany artyp keledi.
Bıyl «Mereıli otbasy» baıqaýyna qatysqan otbasylardyń ishinde 10 otbasy arnaıy nomınasııalar boıynsha úzdik atandy:
«Jas otbasy» nomınasııasy boıynsha – Áýezovter otbasy;
«Berekeli otbasy» nomınasııasy boıynsha – Serikbaevtar otbasy;
«Salaýatty otbasy» nomınasııasy boıynsha – Rýzahýnovtar otbasy;
«Qaısar otbasy» nomınasııasy boıynsha – Buzaýovtar otbasy;
«Ulaǵatty otbasy» nomınasııasy boıynsha – Jaqypovtar otbasy.
«О́negeli otbasy – eldiń tutqasy! Jarasymdy januıa men izgilikti qasıetterge toly áýlet qashan da kópke úlgi bolýy tıis. Osy maqsatta 2013 jyly Memleket basshysynyń bastamasymen «Mereıli otbasy» ulttyq konkýrsy jarııalanǵan bolatyn. Barshańyzdy elimizde kezekti segizinshi ret uıymdastyrylǵan «Mereıli otbasy» ulttyq baıqaýymen quttyqtaımyn! Baıqaýǵa elordamyzdyń ártúrli sanattaǵy otbasylary qatysty.
Bıyl konkýrsqa qatysýǵa 151 otbasy qujat tapsyrdy. 2019 jyly – 63 otbasy, 2021 jyly – 120 otbasy. Berilgen ótinimder sany otbasy ınstıtýtyn nyǵaıtý máselesi elorda turǵyndary arasynda óte tanymal jáne suranysqa ıe ekendigin kórsetip otyr», deıdi elorda ákiminiń orynbasary Eset Baıken.
Jıyn barysynda úzdikter myna nomınasııalar boıynsha marapattaldy:
«Úlgili otbasy» nomınasııasy boıynsha – Nurǵalıevtar otbasy;
«О́negeli otbasy» nomınasııasy boıynsha – Aıtqojınder otbasy;
«Qaıyrymdy otbasy» nomınasııasy boıynsha – Qusaıynovtar otbasy;
«Daryndy otbasy» nomınasııasy boıynsha – Erjumanovtar otbasy;
«Shyǵarmashyl otbasy» nomınasııasy boıynsha – Ptashınskııler otbasy.
«Úlgili otbasy» nomınasııasy boıynsha - Nurǵalıevter otbasy
«Qaıyrymdy otbasy» nomınasııasy boıynsha - Qusaıynovtar otbasy
Is-shara kezinde kórermen qaýym ár otbasynyń ómirbaıanymen tanysty. Ekranda otbasylar jaıly beınematerıaldar kórsetildi.
Sonymen saltanatty rásimde «Mereıli otbasy» baıqaýynyń úzdikteri marapattaldy. III jáne II oryn eki otbasyǵa berildi.
III oryn: Aıtqulovtar otbasy jáne Júnisbekovter otbasy.
II oryn: Áýelovter otbasy jáne Oljabaevtar otbasy.
I oryn Saǵıtovtar áýletine buıyrdy.
Saǵıtovtar áýleti búginde 3 qyz, 3 ul tárbılep otyr. Ákesi – Dýlat Saǵıtov 1977 jyly týǵan, 45 jasta. Múmkindigi shekteýli jandarǵa arnalǵan paralımpıadalyq jattyǵý ortalyǵynda jumys isteıdi.
Anasy - Aınagúl Saǵıtova 1982 jyly týǵan, 40 jasta.
Qyzdarynyń bári respýblıkalyq bı jarystaryna qatysyp, júldeli oryndarǵa ıe boldy. Qyzdarynyń biri (Álııa Saǵıtova) kórkem gımnastıkadan 1-razrıadqa ıe.
Úlken uly «Astana» hokkeı klýbynda sporttyq karerasyn bastady.
