Qoǵam • 12 Qyrkúıek, 2022

Qazaqstanda bir jylda baspana baǵasy 25,8%-ǵa ósti

260 ret

kórsetildi

1 mın

oqý úshin

Bir jyl ishinde (2022 jylǵy tamyzdan 2021 jylǵy tamyzǵa deıin) páterlerdi qaıta satý baǵasy 25,8%-ǵa, jańa turǵyn úıdi satý – 18,1%-ǵa ósti. Sondaı-aq turǵyn úıdi jalǵa alý aqysy 31,8 paıyzǵa ósti, dep habarlaıdy Egemen.kz QR Ulttyq statıstıka bıýrosyna silteme jasap.

Aıana TOǴANBEK

Qazaqstanda bir jylda baspana baǵasy 25,8%-ǵa ósti

«2022 jylǵy tamyzda páterlerdi qaıta satý baǵasy 0,4%-ǵa ósti, al jańa turǵyn úılerdi satý baǵasy 0,1%-ǵa tómendedi. Yńǵaıly baspananyń jalǵa alý aqysy 12,4%-ǵa qymbattady», delingen bıýronyń resmı saıtynda.

Qazaqstanda tamyz aıynda jańa turǵyn úıdi qaıta satýdyń ortasha baǵasy 1 sharshy metrge 425,6 myń teńgeni qurady. Páterlerdi qaıta satý – 1 sharshy metrge 469,8 myń teńgeni, al jaıly turǵyn úıdi jalǵa alý – 1 sharshy metrge 4 myń teńgeni qurady.

Tamyz aıynda jańa turǵyn úıdi qaıta satýdyń eń joǵary baǵasy Nur-Sultan qalasynda tirkeldi: 1 sharshy metr úshin 556 myń teńge. Páterlerdi qaıta satý baǵasy boıynsha da elorda kósh bastap tur: 1 sharshy metr úshin 640 myń teńge. Eń qymbat turǵyn úıdi jalǵa alý Almatyda – 1 sharshy metr úshin 4 myń 920 teńge.