Oblys ákimi Serik Shápkenov Inder aýdandyq máslıhatynyń depýtattaryna QR Prezıdenti Ákimshiligimen kelisilgen jańa ákimniń kandıdatýrasyn tanystyrdy. Aýdandyq máslıhattyń depýtattary jańa ákim Daryn Shamuratovtyń kandıdatýrasyn qoldap, daýys berdi.
Daryn Dúısembaıuly 1986 jyly 16 jeltoqsanda Atyraý oblysy, Inder aýdany, Bódene aýylynda dúnıege kelgen.
Bilimi joǵary, 2004 jyly M.О́temisov atyndaǵy Batys Qazaqstan memlekettik ýnıversıtetin geografııa pániniń muǵalimi, 2012 jyly Batys Qazaqstan ınjenerlik-gýmanıtarlyq ýnıversıtetin qarjy mamandyǵy boıynsha bitirgen.
Eńbek jolyn 2009 jyly Inder aýdanyndaǵy Bódene aýyldyq okrýgi ákimi apparatynyń bas mamany bolyp bastaǵan.
2009-2012 jyldary Inder aýdany ákimi apparatynda jalpy bólimniń bas mamany, Inder aýdany ákimi apparaty jalpy bólimniń basshysy laýazymyn atqarǵan.
2012-2017 jyldary Inder aýdany ákimi apparatynyń basshysy, 2017-2021 jyldary Inder aýdany ákiminiń orynbasary bolǵan.
Al, 2021 jylǵy naýryzdan osy taǵaıyndaýǵa deıin Atyraý oblysy ákimi apparaty basshysynyń orynbasary laýazymyn atqardy.
Oblys ákiminiń ókimimen buǵan deıin Inder aýdanynyń ákimi laýazymyn atqarǵan Salaýat О́teǵulov basqa jumysqa aýysty.
