«Almaty oblysy – halqynyń sany eń kóp aımaqtardyń qatarynda. Munda medısına mekemelerin salý – basty mindettiń biri. Qazirgi aýrýhanalar men emhanalardy zaman talabyna saı jańǵyrtý qajet. Bul jumys azamattarymyzdyń turmys sapasyna tikeleı áser etedi.
Búginde oblysta 396 densaýlyq saqtaý mekemesi bar. Meniń tapsyrmam boıynsha aýyldyń densaýlyq saqtaý salasyn jańǵyrtýǵa arnalǵan ulttyq joba júzege asyrylyp jatyr. Sonyń aıasynda osy óńirde úsh jyldyń ishinde 38 emdeý orny salynady», dedi Memleket basshysy.
Prezıdenttiń aıtýynsha, munyń ózi jetkiliksiz bolady.
«Qazir oblys turǵyndary dárigerge qaralý úshin kóbine Almatyǵa barady. Sondyqtan, densaýlyq saqtaý mekemeleriniń tapshylyǵy qatty sezilmeı otyr. Biraq, qalanyń múmkindigi sheksiz emes. Shahardyń medısına ınfraqurylymy shamadan tys jumys istep jatqany belgili. Oblys ákimdigi qaı jerge qansha emdeý mekemesi qajet ekenin muqııat zerdeleýi kerek. Sodan soń Úkimet naqty sharalardy qabyldaıdy», dedi Qasym-Jomart Kemeluly.
