Kórshi elde qaıta órshigen vırýs

Eýroodaq, AQSh, Uly­brı­­­tanııa, Fransııa, Kana­da, Ispa­nııa, Japonııa elde­ri Qy­taı­da bastalǵan indet­tiń kezekti tolqynyna alań­daý­shy­lyq bil­dirip otyr. О́ıtkeni 8 qańtardan bastap Beıjiń elden shyqqysy nemese ózge óńirlerge barǵysy keletin azamattaryna qoıylǵan iri shekteýlerden bas tartty. Tipti shetel azamattary­na elge kirýge múmkindik beril­di. Birqatar aqparat qura­ly Qytaıda kún saıyn mıllıon­daǵan azamatqa koronavırýs juǵyp jatqanyn, elde vırýs­tan qaıtys bolǵandardy qabyl­daıtyn krematorıılerde oryn qalmaǵanyn jazady. Beıjiń bul aqparatty resmı túrde ras­taǵysy kelmeıdi. Dese de kórshi elde qaıta órshigen indettiń aldyn alý, shekteý sharalaryn qazirden kúsheıtý ózge emes, ózimizge kerek.

Osy rette Bas memlekettik sanıtarııalyq dárigeri Aı­jan Esmaǵambetovanyń máli­me­tinshe, elimizde koronavırýs ınfeksııasy boıynsha epı­demıologııalyq jaǵdaı turaq­talǵan. Dese de beti aýlaq, aýa arqyly tarala beretin vırýsty qaı jel aıdap kelerin kim bilsin? Onyń ústine ótken jyldyń qarasha aıynyń sońy­nan bastap elde naýqastar sa­ny ósip, jeltoqsan aıynda syr­qat­tanǵandardyń ortasha táý­lik­tik sany KVI+ 200-ge deıin jáne KVI- 10-ǵa deıin  jet­keni belgili.Onyń ústine bó­lin­gen shtamdardyń sońǵy rett­iligi COVID-19 Omıkron nusqasynyń aınalymy bolyp shyqty. Al «Qazaqstanda elge kirý kezinde de, álemniń kez kelgen eline, onyń ishinde QHR-ǵa shyǵý kezinde de qandaı da bir shekteý sharalaryn engizý jos­parlanbaıdy», degen elimizdiń Bas memlekettik sanıtarlyq dárigeriniń sózinde. Qytaıda bıyl qysta kovıdten 1 mln-nan astam adam qaıtys bolýy ábden múmkin ekendigi aıtylyp jatsa da shekteý sharalaryn qatańdatý baıqalmaıdy. Tek halyqty ýaqtyly vaksınalaý men revaksınalaýǵa, halyq kóp jınalatyn oryndarda betperde taǵýǵa, adamdar kóp jınalatyn oryndarǵa barýdy shekteýge shaqyrady. Munymen qosa qoldy tazalaý úshin antıseptık nemese de­zınfeksııalyq maılyqtardy paıdalanýdy usynady. Búginde bul usynystardy pandemııa bastalǵaly beri densaýlyqtyń qadirin tereń uǵyna bilgen jurt eki etpeı oryndaýdy úı­rendi.

Qarjy mınıstrliginiń Mem­­lekettik kirister komıteti bıyl­ǵy qańtar aıynyń birinshi onkúndiginen bastap Qazaqstan-Qytaı ýchaskesinde Qytaı tarapy buryn engizilgen shekteý jáne karantın sharalaryn alyp tastaǵanyn málimdedi. Meıli, avtokólik júrgizýshilerinde vıza, PTR testileri halyqaralyq standarttarǵa sáıkes kelýi kerek bolsa da, indettiń beti beri qaramaı turǵan shaqta bul qan­shalyqty durys sheshim?

Aıta keteıik, Qytaıdaǵy tanymal áleýmettik jeli Sina Weibo platformany paı­dalaný boıynsha shamamen 13 myń ereje buzý týra­ly habarlamaǵa «reaksııa bildirgenin» málimdedi. Kompanııa ókilderiniń aıtýyn­sha, keıbir qoldanýshylar «sarapshylar men ǵalymdarǵa, medısına qyzmetkerlerine shúılikken. Sanksııaǵa shamamen 1 200 akkaýnt ushyraǵan. Al Qytaı kommýnıstik partııasy koronavırýsqa qatysty qatań shekteýlerin aqtaý úshin medısınalyq qaýymdastyqqa arqa súıegen. Qatań sharalardyń basym bóligi joıylǵanymen, kóp uzamaı indettiń ýshyqqany jaıly habar taraǵan.

QHR-da endi koronavırýs ınfeksııasyn juqtyrǵandar úıden emdelip, medısınalyq me­kemeniń kómegine de júgine alady. О́ıtkeni COVID-19-ǵa shaldyqqandardy karantın orta­lyq­tarynda oqshaýlaý alynyp tas­talǵan. Buǵan deıin QHR bı­ligi koronavırýsty múldem ta­ratpaý saıasatyn júrgizip, bar­lyq ákimshilik-aımaqtyq meke­mesinde koronavırýs ınfeksııasyn juqtyrǵan adam­darǵa arnap karantın or­ta­lyqtaryn salǵan bolatyn. Tipti jańa hat­ta­manyń ózge­rýine baılanys­ty emdelip shyq­qan naýqastarǵa endi PTR-testtiń teris nátıjesi de qa­jet emes. Sondaı-aq Qytaı syr­qattardy baqylaý jáne aldyn alý ortalyǵynyń bıylǵy 6 qańtardaǵy deregine sáıkes, ótken táýlikte 10,6 myń adam koronavırýs juqtyrǵan. Al densaýlyq týraly málimet jınaıtyn brıtandyq Airfinity kompanııasynyń zertteýinde, COVID-ten táýligine 9 myń adamǵa deıin qaıtys bolǵany aıtylady. Pandemııa bastalǵaly QHR-da koronavırýstan 5 myń­nan asa adam kóz jumypty.

Qazir Eýropalyq odaq Qy­taı­ǵa koronavırýsqa qarsy va­k­sınalardy tegin usynyp jatyr. Iаǵnı indettiń jappaı taralmaýynyń aldyn alý­­ǵa kómek kórsetip otyr. Bul tý­ra­ly Eýroodaq delega­sııa­­sy­nyń Qytaıǵa sapary­nan keıin Eýropalyq komıs­sııa­nyń baspasóz hatshysynyń má­limdemesinde aıtyldy. Iá, mundaı jaǵdaıda yntymaq­tas­tyq pen qoldaý kórsetý naý­qas­tyń kóńilin suraǵanmen birdeı, tipti eki arasyndaǵy áriptestik qarym-qatynasty da nyǵaıta túsetini sózsiz.

Sonymen elimizde jáne álemde oryn alyp jatqan COVID-19 in­detiniń órshýine baı­lanysty ishki jáne syrt­qy jaǵdaıda saqtalatyn sanı­tar­lyq talaptar men shekteý sha­ralaryna beıqamdyq ta­nyt­paǵanymyz durys. Ási­rese indet dendegen kórshi eldermen aradaǵy saqtyq sharalaryn kú­sheı­tip, tatýlyqty ýa­qytsha onlaın formatta us­tan­ǵan jón shy­ǵar.