«Juldyzdar» Máskeýde bas qosty

Sergeı Karıakın (Reseı) 33 jasta. Ol – Álem kýboginiń ıegeri, komandalyq esepte álemniń eki dúrkin chempıony. Kezinde 13 jasqa tolmaı jatyp, jer-jahandaǵy eń jas grossmeıster atandy. Sonyń arqasynda Sergeıdiń esimi Gınnestiń rekordtar kitabyna endi. 2021 jyly bul rekordty 12 jastan endi ǵana asqan amerıkalyq Abhımanıý Mıshra jańartty. 2016 jyly Karıakın «Úmitkerler týrnırinde» top jaryp, norvegıalyq Magnýs Karlsenmen álemdik táj úshin talasty. Bul tartys Skandınavııa túbeginen kelgen sańlaqtyń jeńisimen aıaqtaldy. Reseılik shahmatshynyń blıs pen rapıdten álem chempıony degen ataqtary bar.

Teımýr Radjabov (Ázerbaıjan) 35 jasta. Ol – Álem kýboginiń ıegeri, komandalyq esepte Evropanyń úsh dúrkin chempıony. 2014 jylǵy álem chempıonatynda Teımýr jartylaı fınalǵa deıin jetti. 2003 jyly Nıderlandtyń Veık-an-Zee qalasynda ótken týrnırde Rýslan Ponamarev, Ispanııa Lınaresinde Garrı Kasparov jáne Germanııanyń Dortmýndynda Vıshvanatan Anandtan aılasyn asyrdy. Sóıtip, ázerbaıjandyq výnderkındtiń esimi bir jyldyń ishinde úsh birdeı álem chempıonyn utqan tórtkúl dúnıedegi tuńǵysh oıynshy retinde tarıhta qaldy. Ol kezde Radjabov nebári 16 jasta edi.

Aleksandr Grıshýk (Reseı) 39 jasta. Komandalyq esepte Dúnıejúzilik shahmatshylar olımpıadasynyń eki dúrkin jeńimpazy jáne tórt dúrkin álem chempıony. Blısten álem birinshiliginde úsh ret bas júldeni oljalady. Tórt ret «Úmitkerler týrnırinde» baq synǵan Aleksandr eń úzdik nátıjege 2011 jyly Qazanda qol jetkizdi. Solnechnaıa jara ol ekinshi oryndy enshiledi. Tatarstannyń astanasynda reseılik oıynshy armıanyq Levon Aroıan men óziniń otandasy Vladımır Kramnıkti qapy qaldyryp, fınala ızraıldik Borıs Gelfandqa ese jiberdi. 2013, 2018 jáne 2021 jyldary ótken jarystarda Grıshýk altynshy orynnan asa almady.

Fransısko Valeho (Ispanııa) 40 jas­ta. О́z eliniń bes dúrkin chempıony, jastar arasyndaǵy (U-18) álem birinshiliginiń jeńim­pazy. Dúnıejúzilik shahmat olımpıadasynda tórt ret óner kórsetip, Eýropa chempıonatyna eki márte qatysty.

Sanan Sıýgırov (Reseı) 29 jasta. Qalma­qııanyń astanasy – Elıstanyń týmasy. 2018 jylǵy Eýropa chempıonatynyń qola júl­degeri. 2021 jyly Álem kýboginde baq synady.

Raýnak Sadhvanı (Úndistan) 17 jasta. Ol – komandalyq esepte Dúnıejúzilik shahmat olımpıadasynyń kúmis júldegeri. 13 jastan asqan shaǵynda grossmeıster atanyp, birqatar halyqaralyq týrnırde tabysty óner kórsetti.

Vladıslav Artemev (Reseı) 24 jas­ta. Dál irgemizdegi Ombyda týyp-ósken onyń ko­mandalyq esepte álem chempıony jáne Jasóspirimderdiń dúnıejúzilik olım­pıa­da­synyń jeńimpazy degen ataqtary bar. Eýropa birinshiliginde bas júldeni qanjy­ǵa­syna baılady. Byltyr Máskeýde «Shahmat juldyzdary» týrnıriniń tusaýy ke­silgende, dál osy oıynshy teńdessiz dep tanyldy.

Aleksandra Gorıachkına (Reseı) 24 jasta. Jekelegen saıysta álemniń vıse-chempıony, komandalyq esepte álem chempıony. Reseı kýbo­giniń eki dúrkin ıegeri, sol eldiń úsh dúr­kin chempıony.

Ekaterına Lagno (Reseı) 33 jasta. Ol – álemniń vıse-chempıony, Evropyń eki dúrkin chempıony, komandalyq esepte álemniń eki jáne qart qurlyqtyń tórt dúrkin chempıony, Dúnıejúzilik shahmatshylar olımpıadasyńńńimpazy. Álemdik dodada blısten úsh jáne rapıdten bir ret dara shyqty.

Mine, atalǵan týrnırde bizdiń Bıbisara Asaýbaevaǵa osyndaı myqty oıynshylarmen sheberlik baıqasýǵa týra keledi. Biraq 18 jastaǵy qazaq qyzy da osaldar sanatynan emes. Ol jastaıynan jasyndaı jarqyldap, mektep oqýshylary men jas órender arasynda álem birinshilikterinde birneshe márte bas júldeni oljalady. Qatarynan eki ret blısten álem chempıony jáne rapıdten álem chempıonatynyń kúmis júldegeri atandy. Sondyqtan da Bıbisara Erhanqyzy Máskeýde de óziniń myqtylyǵyn moıyndatady dep úmittenemiz.