Áńgimelesý barysynda Á. Baqaev suhbattasýshyny elimizde júrgizilip jatqan saıası jáne áleýmettik-ekonomıkalyq jańǵyrtýdyń, sondaı-aq 2023 jylǵy naýryz aıynda ótetin kezekten tys parlamenttik saılaý týraly habardar etti. Bul turǵyda Qazaqstan óz damýynyń jańa dáýirine qadam basqandyǵy, elimizde serpindi jáne jan-jaqty jańartý prosesi júrip jatqany atap ótildi. QR Parlamenti Májilisine saılaý qoǵamdaǵy ózgeristerdi beıneleıdi jáne saıası júıemizdi odan ári modernızasııalaýǵa qýatty serpin beredi. Saılaýǵa baıqaýshy retinde Aýstrııa ókilderi, onyń ishinde EQYU Parlamenttik assambleıasy jelisi boıynsha baıqaýshylardyń qatysýy kútilýde.
Sonymen birge taraptar Qazaqstan-Aýstrııa qatynastarynyń jaı-kúıi men perspektıvalaryn talqylady. Osyǵan baılanysty memleketterimiz arasyndaǵy ekijaqty baılanystardy keńeıtýge jáne tereńdetýge jańa serpin beretin asa joǵary deńgeıdegi ózara saparlardyń mańyzdylyǵy nazarǵa alyndy.
