Azyq-túlik baǵasynyń jaıy

Qorda jınalǵan 162,5 myń tonna kókónistiń 29,4 myń tonnasy óńirlerge jiberildi. Onyń ishinde 16,1 myń tonna kartop, 4,1 myń tonna sábiz, 5,2 myń tonna pııaz jáne 3,9 myń tonna qyryqqabat bar. Aqpan aıynda turaqtandyrý qorynan shyǵarylǵan kókónis kólemi aılyq jospardan asyp ketti. Bul rette resmı statıs­tıka sońǵy aptada 6 óńirde kartop pen sábiz baǵasynyń óskenin tirkedi. Vıse-premer baǵany turaqtandyrý úshin naryqtaǵy kók­ónis­ke suranys pen óndiris kólemin saraptap, qajet bolǵan jaǵdaıda kókónister men olardy qoljetimdi baǵamen satatyn saýda núktelerin kóbeıtý arqyly bul jumysty jandandyrýdy tapsyrdy.

Jalpy, 2024 jyldyń basynan beri áleý­met­tik azyq-túlik taýarlary baǵasynyń ósýi 0,4%-dy qurady (2023 jylǵy 13 aqpanda – 2,4%). О́tken aptanyń qorytyndysy bo­ıynsha áleýmettik mańyzy bar azyq-túlik taýarlarynyń (ÁMAT) baǵa ındeksi turaqty (0%) boldy.

QR SIM Saýda komıteti elektrondy shot-faktýralar arqyly óndirýshiden bastap saýda sórelerine deıingi baǵa tizbegin taldaýdy jalǵastyrýda. Jyl basynan beri 432 tizbek saraptalyp, 193 zań buzýshylyq táýekeli anyqtaldy.

Saýda komıteti barlyq táýekel faktileri boıynsha tıisti sharalar qabyldaý úshin materıal­dardy aýmaqtyq bólimshelerge ji­ber­di.

AShM departamentiniń dırektory Nurlan Imanbaev ÁKK jumysynyń jańa formatyna kóshý nátıjeleri týraly baıandady. 2023 jyldyń basynan bastap maýsymaralyq kezeńde jáne baǵanyń ósýi kezinde naqty belgilengen baǵamen kúzgi jáne erte kókónisterdi (kartop, pııaz, sábiz, qyryqqabat) jetkizý úshin forvardtyq kelisimsharttyń jalpy somasynyń 70%-yn avanspen bere otyryp, fermerlerdi aldyn ala (bir jyl buryn) qar­jylandyrýdy kózdeıtin aýyl sharýashylyǵy taýaryn óndi­rýshilerdi forvardtyq qar­jy­­landyrý boıynsha jańa tásil­der engizildi. Jańa tásil­der­diń mindetti sharty – bıýdjet qara­jaty­nyń 70%-y fermerler men qaıta óńdeý kásiporyndaryn qar­jy­landyrýǵa baǵyttalýy tıis.

Atalǵan jańa tásilder boıynsha jumys isteýge Abaı, Jetisý, Aqmola, Almaty, ShQO, Jambyl, Qostanaı, SQO, Qyzyl­orda jáne Túrkistan oblys­tary  ýaqytyly aýysty. Aýyl sharýashylyǵy taýaryn óndirýshilerdi qarjy­lan­dy­rýdyń eń tómengi kórsetkishteri – Almaty (46%) men Mańǵystaý oblystarynda (50%).

Vıse-premer 70%-dan kem emes shekti qatań saqtaı oty­ryp, sharýalardy tikeleı qar­jy­landyrý jumysyn jalǵas­tyrýdy jáne áleýmettik azyq-túlik taýarlarynyń baǵasyn udaıy nazarda ustaýdy jáne baǵa­lar negizsiz kóterilgen jaǵdaı­da jedel áreket etýdi tapsyrdy.