Shynynda, oǵan alystan qarasań, qardaı aq tústi qorǵanǵa uqsaıdy. Sondyqtan ataýyn soǵan úılestirip qoısa kerek. Pamýkkalege adamdar em alý úshin de keledi. О́ıtkeni mundaǵy mıneraldarǵa toly jyly sý túrli dertke em. Sondaı-aq 1988 jyly Pamýkkale men onyń irgesindegi Ierapolıs qalasynyń qırandylary IýNESKO-nyń Dúnıejúzilik muralar tizimine engen.
Bes túske enetin ózen
Kolýmbııada «Kano-Krıstales» atty ádemi ózen bar. Ony ıspan tilinen aýdarǵanda «krıstaldaı ózen» degen maǵyna beredi.
Biraq jergilikti halyq bul ózendi «bes tústi ózen» dep aıtady. О́ıtkeni ózen maýsym men qarasha aralyǵynda bes túske enedi. Osy kezde ózenniń sýy birese sary, birese qyzyl, birese jasyl, birese kók, birese qara túske enip, almasyp otyrady. Kano-Krıstales ózeni júz shaqyrymdaı aýmaqty alyp jatyr. Osy aýmaqta 420 qustyń túri mekendeıdi. Biraq ózenniń bes túrli túsi Gýaıabero sý aıryǵyna kelgende joǵalyp ketedi.
Qamaldar ańǵary
Elimizdegi álemge tanymal jerdiń biri – Sharyn shatqaly. О́ıtkeni bul shatqal – tabıǵı ásemdigimen, erekshe sulýlyǵymen kóz tartady.
Sharyn shatqalynda bıiktigi 150-300 metrge deıin jetetin «Qamaldar ańǵary», «Jalmaýyz kempir shatqaly», taǵy basqa qumdy jarlar bar. Jergilikti jurt shatqaldy «Qorǵandy qamaldar ańǵary» dep aıtady. Ańǵar uzyndyǵy shamamen 2 shaqyrym, eni 20-80 metrge deıin barady. Shatqaldan ejelgi adamdardan týyndylaryn kóre alasyz. Sondaı-aq jabaıy ańdardyń beınesi arqyly bul aımaqta paleolıt dáýirindegi qus-janýarlardyń mekendegenin ańǵarýǵa bolady.
