Foto:depositphotos.com
TJM málimetinshe, Jetisý oblysy Panfılov aýdany Sarybel aýylynyń shetine shyqqan 1980 jyly týǵan shopan joǵalyp ketken, týystary qutqarýshylardan kómek suraǵan.
«Izdeý toby joǵalǵan azamatty Sarybel aýylynan 5 shaqyrym jerde tapty», delingen habarlamada.
Jedel járdem qyzmetkerlerine tapsyrylǵan shopannyń jaǵdaıy turaqty ekeni habarlandy.
Sonymen qatar, Aqtóbe oblysynyń Temir aýdanyna qarasty Keńqııaq aýylynan eki shopannyń mal izdeýge shyǵyp, oralmaǵany týraly habar 112 pýltine túsken.
TJM baspasóz qyzmeti habarlamasynda:
«Izdeý toby azamattardy Shubarqudyq aýylynan 35 shaqyrym jerdegi dalada tapty. Olar medısınalyq kómekke muqtaj bolmady», delingen.
