Foto: Densaýlyq saqtaý mınıstrliginiń baspasóz qyzmeti
Týa bitken júrek aqaýynan zardap shekken Qyrǵyzstannan kelgen bala Jambyl oblysyndaǵy Kardıohırýrgııa jáne transplantologııa ǵylymı-klınıkalyq ortalyǵyna aýyr halde jetkizilgen. Operasııa sátti ótip, úsh aptadan soń bala úıinde otyrǵan.
Reseıden kelgen eki áıeldiń taǵdyry da osyndaı bilikti mamandardyń arqasynda jańa betburys alǵan. Olarǵa jedel mıokard ınfarkti kezinde shuǵyl kómek kórsetilip, der kezinde jasalǵan emnen keıin úılerine saýyǵyp oralǵan.
Energetıkalyq sýsyndarǵa táýeldilik pen temeki shegý saldarynan jedel mıokard ınfarkti men koronarlyq arterııanyń trombozy damyǵan 26 jastaǵy Túrikmenstannan kelgen stýdent shuǵyl túrde ortalyqqa jatqyzyldy. Dárigerler qan tamyrlaryn stentteýdi júrgizip, ony ólimnen arashalap qalǵan
Densaýlyq saqtaý mınıstrliginiń málimetinshe dárigerlerdiń kásibıligi ǵana emes, zamanaýı jabdyqtarmen qamtamasyz etilgen atalǵan ortalyq búginde kardıologııa men kardıohırýrgııa salasynda shekarasyz kómek kórsetetin ortalyqqa aınaldy. Munda jergilikti halyq qana emes emes, shetelderden kelgen naýqastar da shıpa tapqan. Aıta ketsek, byltyr Jambyl oblysynda 743 qala syrtynan kelgen naýqas pen 59 sheteldik azamatqa shıpaly qoldar kómek kórsetip, jańa ómir syılaǵan eken.
