Shymkenttik egiz qyzdar Nursezim Turlybek pen Gúlsezim Turlybek jarys kórkin qyzdyrdy. Olar óz salmaqtarynda óte jaqsy beldesip, qarsylas shaq keltirgen joq. Nátıjesinde, Nursezim 63 kıloda, al Gúlsezim 70 kıloda top jaryp, bir úıdiń qyzdary bir kúnde jeńis tuǵyrynan kórindi.
Temir ıt
Qytaılar alty aıaqty robot ıt jasap shyǵardy. Bul da ıesine adal, qyzmet qylady, aıtqanyn eki etpeıdi.
Bunyń kádimgi úı janýarynan aıyrmashylyǵy, temir ıt jyldam qozǵalyp, aýyr júkterdi kótere alady. Qultemir muzda taıǵanamas úshin arnaıy aıaq kıimmen, jylý ustap turatyn qurylǵymen jabdyqtalǵan. Sol sebepti 40 gradýs sýyqta da úzdiksiz 4 saǵat jumys isteýge múmkindigi jetedi.
Áýe taksıi
AQSh-ta kúni keshe ushatyn qoǵamdyq kólik tanystyryldy. «eVTOL» nusqasyndaǵy áýe kóliginiń salmaǵy 3 tonna.
Ushatyn taksı ázirge jerden basqarylady. Al keleshekte arnaıy mamannyń baqylaýynda bolady. Tórt jolaýshyǵa arnalǵan. Bir baǵytqa ushý quny 100 dollar. Kompanııa ókilderiniń aıtýyna qaraǵanda, bul soma keıin suranystyń artýyna qaraı arzandaýy múmkin.
