Tórt dúrkin júldeger

Aınalmaly júıemen ót­ken dodada jer­le­si­­miz aldymen Eýro­pa­ chempıony, Tokıo jazǵy Olım­pıadasynyń qatysýshysy ýkraın balýany Alla Belınskany jyqty. Biraq ekinshi beldesýin­de amerıkalyq Aleksandra Jýnıs­ke ese jiberdi. Úshinshi kezeń­­de argentınalyq Lında Machýka­ny jyqty. Tıranaǵa barǵan ózge ­balýan qyzdardyń ishin­de Elmıra Syzdyqova 76 kg salmaqta qola medal ıelendi.

Jámıla Baqbergenova – áıel­der kúresinen álem chempıona­tynda tórt márte medal olja­­la­ǵan jal­ǵyz sportshy. Ol 2021 jy­ly Norvegııanyń Oslo qalasyn­da ótken álem chempıonatynyń fı­nalyna tańǵajaıyp jeńisimen tánti etti. Shırek fınaldyq bel­desýde fransýz balýany Va­nessa Veskan Jámılany upaı ba­symdyǵymen utyp jatqanda minez tanytyp, jeńisti julyp aldy. Jartylaı fınalda túrik qyzy Býse Týsondy týlaqsha ıledi. Biraq fınalda japon qyzy Masako Fýrýıchıge ese jiberip, kúmis medaldi mise tut­ty. Jasóspirim shaǵynda, odan ke­ıin jastar arasynda da álem chempıony atanǵan Masako talassyz talant ekenin dáleldedi. Jalpy, elimiz sportynyń tarıhynda áıelder kúresinen álem chempıony shyqqan joq. Sol kemdikti bú­tindeýge Baqbergenovaǵa múmkindik týyp edi, ýystan sýsyp ketti. «Álem chempıonatynyń fınalynda kúrestim degenim bolmasa, kúmistiń salmaǵy qola sekildi seziledi eken. Altyn alam dep kózdep shyǵyp edim, buıyrmady» dep ókinishin bildirgen.

2022 jyly Serbııanyń Bel­grad qalasynda ótken álemdik dodanyń shırek fınaldyq báse­kesinde ózbek qyzy Svetlana Ok­nazarovany, jartylaı fınalda rýmyn Aleksandra Angeldi jeńdi. Fınalda amerıkalyq Emıt Elorǵa ese jiberdi. Bir jyl buryn álem chempıonatynyń fı­nalynda Jámılany jeńgen japon qyzy Masakoǵa Belgrad bozkileminen qola medal buıyr­dy. Jahandyq dodanyń eki dúrkin kúmis júldegeri degen dańqqa jerlesimizdiń kóńili semirgen joq. Kerisinshe, ózin qaıraı tústi.

2023 jyly Serbııa eli kúres túrlerinen álemniń sańlaqtaryn qaıta jınady. 72 kg salmaqta beldesýdi Jámıla 1/8 fınaldan bastaǵan. Eýropa chempıonatynyń júldegeri serbııalyq Fannı Nadty aıqyn jeńdi. Shırek fınalda reseılik Ksenııa Býrakovany da jyqty. Jartylaı fınalda mońǵol qyzy Davaanasan Enh Amarynǵa ese jiberdi. Qola medal úshin tartysta polıak Natalıa Ivona Stshalkany eńserdi.

– Eki jyl buryn ótken álem chempıonatynyń jartylaı fı­­naldyq beldesý esime tússe óze­gimdi ókinish qarıdy. Mońǵol qy­zyn erkin utamyn dep ózime tym senimdi boldym. О́ıtkeni bir jyl buryn Azııa chempıonatynda osy qyzdy 13:1 esebimen aıqyn basymdyqpen jeńgen edim. Sodan da shyǵar, jartylaı fınaldy emes, álem chempıonatynyń altyn medali úshin ótetin fınaldyq tartysty tym erte oılap qateles­tim. Davaanasandy jeńgen soń ame­rıkalyq Emıt Elorda ketken esemdi qaıtaryp, álem chempıony atanamyn dep asyǵyp kettim. Mońǵolııalyq balýanmen saýatty kúreskenimde ese jibermes edim, – deıdi sportshy.

Byltyr álem chempıonaty Albanııanyń Tırana qalasynda ótti. Shırek fınalǵa deıin Moldova, Chehııa balýanyn jeńip, jartylaı fınaldyq tartysta mońǵol qyzy Bolortýngalag Zo­rıgty upaı basymdyǵymen utqan. Fınaldyq saıysta japon balýany Amı Ishıge ese jiberip, taǵy da kúmis medaldi mise tutty. Bul beldesýde el sportynyń jylnamasyna tyń derek tirkeletin edi. Jámıla japon qyzyn 4:2 esebimen utyp turdy. Beldesýdiń bitýine bar bolǵany 27 sekýnd qalǵan. Jankeshti Amı Ishı órshelene umtylyp aıaǵynan qar­map, taskenedeı jabysyp aldy. Eger qorǵanysyn bekemdep, qarsylasyna ádis jasatpaı qoı­ǵanda Jámıla el sportynyń tarıhynda áıelder arasynan álem chempıony ataǵyn alǵan alǵashqy sańlaq atanatyn edi...

2022 jyly Mońǵolııada Azııa chempıonaty ótti. Qurlyq birin­shiliginde egiz balýan Mádına men Jámıla Baqbergenovalar chempıon atandy. Ulan-Batyrdan ushyp kelgen kúnniń erteńine eki qyzdyń sıyr saýyp, maldy jaıǵap júrgen beınejazbasy áleýmettik jelide tarap, kóptiń yqylasyna keneldi.

«О́zim fýtboldan jattyq­ty­rýshy bolǵandyqtan, qyzdaryma jetkinshek shaqtarynda aıaqtyń bulshyq etin qataıtýǵa arnalǵan jattyǵýlardy jıi jasatýshy edim. Keıin kúres ónerine tań­daýy tústi. Mádına Jámıladan ­5 mınýt buryn ómirge kelgen­dik­ten, qashanda óziniń úlkendi­gin baıqatyp turady. Jámıla kerisinshe birtoǵa salmaqty, Mádınanyń basqarýyna kónip, ilesip júretin. О́mirge odan bes mınýt buryn erte kelgendigin alǵa salyp, Mádına syńaryn jum­saıtyn. Mektepte oqyp júr­gende de Mádınanyń sotqarlyǵy basylmady. Biraq ózdiginen esh­kimge soqtyqpaıdy, urynarǵa qara tappaı kelip tıiskendi oń­dyrmaı­dy. Bir kúni eki synyp joǵary oqıtyn ápkesine synybyndaǵy bir ul tıisip, nuqyp ketipti. Ony Mádına kórip qalady. Sóıtedi de Jámılany ertip alyp álgi ózinen eki jas úlken tentekti tezge salyp jiberipti. Ekeýi de atqa erte mindi. Tipti taılardy ózderi jýasytyp, minip alatyn», deıdi ákesi Naýqannur Baqbergenov.

Jámıla byltyr Parıj Olım­­pıadasynyń lısenzııalyq týr­nırinde joldamaǵa synyq sú­ıem jetpeı súrindi. «Mádına tak­tı­kalyq jospardy óte saýatty quryp, ábjil qımylymen shıraq kúresedi. Jámıla kerisinshe, kú­shi­niń myǵymdyǵyn paıdalanady. Ekeýi Azııa qurlyǵynda úzdik shyq­ty, Jámıla álem chempıonatynan 4 márte júlde aldy. Endigi meje – jazǵy Olımpıada medali. Soǵan jetý úshin barymyzdy salamyz», degen Naýqannur Baqbergenov qyzdarynyń jetistigi tek tynymsyz tógilgen terdiń óteýi ekenin atap ótti. Egiz qyzdary eńbekqor ekenin maqtanyshpen aıtty.